اختبر معلوماتك تعالى و شارك [الأرشيف]

n3na3aah

13-11-2004, 06:58 PM

بسم الله الرحمن الرحيم

و انا بتفرج كده علي مواقع جديده لقيت موقع فيه اسئله جميله جدا و مفيده جدا في نفس الوقت حبيت اني اضفها هنا في المنتدي و اشارك بيها كمسابقه جميله و مفيده و لكل اجابه صحيحه نقطه لصاحبها و يا رب تكون الاسئله جديده مش معاده و مفيده في نفس الوقت و اهدي الفائز ان شاء الله ورده جميله مني اليه و يا رب تعجبكوا المسابقه

نبدا باذن الله تعالى

من هو النبي الذي كانت معجزته احياء الموتى ؟

*4*

MaTR|X

14-11-2004, 12:01 AM

سيدنا عيسى

n3na3aah

14-11-2004, 11:59 AM

السلام عليكم ورحمة الله وبركاته

عليك نور يا ماتريكس و ليك معايا نقطه و نسال سؤال تاني

نبي خصة الله بالنبوة قبل ولادتة فمن هو ؟

n3na3aah

15-11-2004, 03:05 PM

هوه الاسئله صعبه قوي للدرجه ده

*11* *22*

لا مينفعشي كده لازم *4* و لو السؤال صعب قولو نجاوب عليه و نحط واحد تاني

همسة حب

15-11-2004, 04:22 PM

لألألأ
مش تعيطي
هقول اهو بس يارب تطلع الاجابة صح

هو سيدنا يحي
ها صح ؟

n3na3aah

15-11-2004, 05:26 PM

ايه الشطاره ده

يا ربي اخيرا حد اتكلم *8*

ماشي دلوقتي نقطه لهمسه حب و نقطه لماتريكس *15*

نسال بقه

من هوه مكتشف البنسلين؟*9*

همسة حب

15-11-2004, 05:54 PM

هيه هيه هيه

انا ااقول

هو الأسترالي هوارد فلوري

ها ينعناعة *3*

يارب يكون صح *9*

n3na3aah

15-11-2004, 09:40 PM

*23**23**23**23*

فكري تاني ياله ياله

اول حرف الف ياله بقه جاوبي بسرعه

بنت مصر

16-11-2004, 01:52 AM

مسابقة جميلة جدا يا نعانيعو
واسفة حبيبة قلبي على التأخير
لاني لسة شايفاها دلوقتي
وأعتقد ان مكتشف البنسلين هو الكسندر فليمنج

صح؟

aynad

16-11-2004, 04:50 AM

ممكن اشارك معاكم
انا مع بوسي هو فليمنج

n3na3aah

16-11-2004, 12:18 PM

يا سلاااااام اخيرا الموضووع بدا يشتغل ولله حسيت انه موضوع ممل و مفيش حد عايز يقراه

بسبوسه حبيبتي اجابتك صح و تاخدي احلي نقطه مني ليكي *6*

و يبقه كده النهائي

1 بسبوسه حبيبتي
1 همسه حب
1ماتريكس الي مش عارفه راح فين

ايناد انتي تشتركي طبعا من غير متقولي ممكن و ايجابتك طبعا صح بس بسنت هيه الي تاخد النقطه عشان هيه الي جاوبت الاول بس تعالي تاني عشان تجاوبي و تاخدي انتي كمان نقط

n3na3aah

16-11-2004, 12:21 PM

السؤال الجديد

ما هيه اطول سلسلة جبال في العالم؟؟

*4* *4*

MaTR|X

16-11-2004, 01:59 PM

ماتركس موجود

و أطل سلسلة جبال فى العالم هى جبال الانديز

بنت مصر

16-11-2004, 04:55 PM

قولي السؤال اللي بعده يا نعانيعو قبل ما تريكس ما ييجي
احسن هو كده شكله بقى نقطيتين

منورة يا ايناد وكل سنة وانتي طيبة يا أم دودي

n3na3aah

17-11-2004, 11:52 AM

الله ينور عليك يا ماتريكس هيه جبال الانديز و طولها يا سيدي 9321 ميل

كده ماتريكس نقطتين

السؤال هوه يا بسبوسه حلي انتي بقه

ما هيه عروس القران الكريم؟؟
*11*

أحمد ناصر

17-11-2004, 12:10 PM

سورة الرحمن؟؟؟

همسة حب

17-11-2004, 02:55 PM

كنت هقولهاااااااااااااا*22*

همسة حب

17-11-2004, 02:57 PM

كنت هقولهاااااااااااااا*22*

عموما يلا برافو عليك ياأخ احمد *128*

*35*

n3na3aah

19-11-2004, 11:47 AM

برافو عليك يا اخ ناصر و ليك معايا نقطه

همسه حب لسه المشوار طويل ان شاء الله تحلي معايا كتير

السؤال بقه

أنا بداية النهاية ونهاية الزمان والمكان أنا بداية النبات ونهاية الإنسان و الحيوان .. هل عرفتني ؟
*14*

ماما زوزو

19-11-2004, 12:11 PM

بيتهيألى يانعناعه
هى الارض

MaTR|X

19-11-2004, 02:59 PM

بيتهيألى حرف النون
(( ن ))

n3na3aah

19-11-2004, 10:19 PM

ماما زوزو يا ام المنتدي و حبيبته الف شكر ليكي لزياره الموضووع و مشاركتك معايا بس هيه الاجابه مش صح ان شاء الله المره الجايه تجاوبي تمام

يا استاذ ماتريكس يا مكتسح انت اجابتك تمام و حديلك النقطه و انا مطره مع اني نفسي اديها لماما زوزو بس حنعمل ايه بقه
حكم القوي
*15*

كده يبقه المجاميع وصلت للاتي

ماتركس 3 نقاط
بنت مصر 1 نقطه
همسه حب 1 نقطه
احمد ناصر 1 نقطه

السؤال الجديد

ماهي كتب الصحاح الست؟؟ *9* *9* *9*

طارق بن زياد

19-11-2004, 10:27 PM

هذه محاولة و التوفيق من الله
صحيح: 1 البخاري
2 مسلم
3 الترمذي
4 ابن حبان
5 الحاكم
6 النسائي

n3na3aah

20-11-2004, 01:11 PM

في اربعه صح يا طارق حاول تاني و ان شاء الله تيجي

طارق بن زياد

20-11-2004, 02:22 PM

1- صحيح البخاري

2- صحيح مسلم

3- صحيح الترمذي

4- الطبراني

5- بن حبان

6- النسائي

n3na3aah

21-11-2004, 03:44 PM

لا يا طارق الاجابه برده غلط و الاجابقه الصح عشان اعتقد ان كده الجابقه مش معروفه

هيه

1:صحيح البخاري
2:مسلم
3:سنن الترمذي
4:النسائي
5:ابي داود
6:ابن ماجه

السؤال الجديد

من قتل سيد الشهداء حمزة ؟

طارق بن زياد

22-11-2004, 12:40 AM

عبد اسمه وحشي

تملكه هند بنت عتبة التي قتل من أسرتها في بدر أخوها و أبوها و قد طلبت منه ذلك و رتبت له مقابل حرية وحشي

ثم بعد فترة اسلم هذا العبد

n3na3aah

22-11-2004, 01:42 PM

صح يا طارق و بكده ليك نقطه

يبقه كده النهائي

ماتركس 3 نقاط
بنت مصر 1 نقطه
همسه حب 1 نقطه
احمد ناصر 1 نقطه
طارق بن زياد 1 نقطه

ما هيه السوره التي تخلو من حرف الميم؟

MaTR|X

22-11-2004, 07:20 PM

سورة الكوثر

aynad

24-11-2004, 02:20 AM

انتي فين يا نعناعة

n3na3aah

24-11-2004, 03:34 PM

انا هنا اههه
اسفه علي التاخير

صح يا ماتريكس

السؤال بقه هوه ايييييييه

كم عدد السجدات في القرأن الكريم؟

crazyman

24-11-2004, 03:43 PM

انا ان شاء اله اجاوب عليكم

MaTR|X

24-11-2004, 04:20 PM

14 سجدة

aynad

25-11-2004, 01:02 AM

15 سجدة يا نعناعة صح ؟؟

n3na3aah

25-11-2004, 01:22 PM

اهلا بيك كريزي مان و يا رب تشارك معانا

يا استاذ ماتريكس ارحم البشر شويه و خليهم يجاوبي ولله انا شكه في امرك و كميه المعلومات الي عندك ده شكلها كده فيها حاجه غلط بس امرنا لله اجابتك صح يا سيدي و كده انت بقيت 5 نقط

ايناد همه 14 سجده و بعدين ابقي تعالي بسرعه لحسن ماتريكس مجتزح السوق

كده النتيجه

ماتركس 5 نقاط
بنت مصر 1 نقطه
همسه حب 1 نقطه
احمد ناصر 1 نقطه
طارق بن زياد 1 نقطه

من هوه مكتشف الدورة الدموية الصغرى؟؟

MaTR|X

25-11-2004, 03:49 PM

أنا بقيت 5 نقط يا نعناعة
انتى فاهمة خمسسسسسسسسسسة
ماشى

*********

طيب أقول الاجابه
ولا زهقتى منى وهتضربينى :p

n3na3aah

26-11-2004, 12:04 PM

*7*
قول يا ماتريكس قول

:uff::uff::uff:

Abdou Basha

26-11-2004, 09:00 PM

العالم :ابن النفيس

aynad

27-11-2004, 02:14 AM

ابن النفيس

MaTR|X

27-11-2004, 08:38 PM

ابن النفيس صح
حلال عليك النقطه يا عبدو باشا

نانيس

27-11-2004, 09:19 PM

هو أنا كل ما اجى أجاوب ألاقى السؤال محلول
ارحمنا شوية يا كابتن ماتريكس

MaTR|X

27-11-2004, 09:36 PM

مش انا اللى جاوبته المره دى والله يا نانيس

ومتخافيش المرة الجايه .. أنا مش هجاوب ومش هخلى حد يجاوب غيرك

Abdou Basha

28-11-2004, 02:54 PM

إنت فين يا نعناعة..؟؟*12*

هو كل واحد يعمل مسابقة .. يسيبنا كده مش عارفين راسنا من رجلينا..؟! *5*

يللا أدينا قاعدين مستنيين الأسئلة الجديدة.. :)

نحن في انتظارك..*4*

n3na3aah

28-11-2004, 07:27 PM

ولله يا جماعه التاخير ده غصب عني عشان الكمبيوتر بيبوظ اليومين دول كده مع نفسه و بعدين الامتحانات اربت ربنه يستر بقه ادعووووووووووولييي

برافو عليك عبدو باشا بكده انضم الي الائحه عضو جديد بنقطه جديده

شوفت يا ماتريكس انت عامل ايه في الاعضاء *14*

نانيس ياله عايزاكي انتي كمان تنضمي معانا

من مكتشف تفاعل النيترونات و البروتونات في الهواء؟؟

n3na3aah

01-12-2004, 07:34 PM

هوه فيه ايه محدش عارف الجابه ولا زهقتو من الموضووع

وااااااااااااااااااااااء

MaTR|X

01-12-2004, 10:01 PM

لالا طبعا فيه
امال انا رحت فين

مكتشف تفاعل النيترونات و البروتونات في الهواء هو غوبر

Abdou Basha

02-12-2004, 03:22 PM

ما شاء الله عليك يا ماتريكس..:)
..
مع إني مش عارف الإجابة بس أنا مطمن لإجابتك..:d

n3na3aah

03-12-2004, 06:30 PM

ههههههههههههههه يا سلام عليك يا ماتريكس علاطول ناصفني انت *8*

يا عبدو باشا مانته عارف ماتريكس لازم يروح من سيربح المليون :)

ماترككس 6 نقاط
بنت مصر 1 نقطه
همسه حب 1 نقطه
احمد ناصر 1 نقطه
طارق بن زياد 1 نقطه
عبدو باشا 1 نقطه

السؤال بقه

من مكتشف البنزين ؟؟ و يا سلام بقه لو قلته ايه هوه المصطلح الكيميائي بتاعه؟؟

MaTR|X

03-12-2004, 10:33 PM

يا جدعان بلاش قر
خلوا الواحد يجاوب بنفس

ومكتشف البنزين هو كيكول
خدناها فى تانية ثانوى

ورمزه باين على ما افتكر C6h6

n3na3aah

04-12-2004, 02:36 PM

برافو با عم ماتربكس البطل المغوار *15*

ما هو اقوى الحيونات ذاكرة؟؟

أحمد ناصر

04-12-2004, 02:52 PM

الفيل
والله أعلم

Abdou Basha

04-12-2004, 02:58 PM

أيوه .. هو الفيل..:)

أمال فين ماتريكس يا نعناعة..؟؟*5*
ده أنا من سرعة اجاباته .. افتكرتكوا متفقين مع بعض..:d

بس برضه مليش نصيب*13* .. أحمد ناصر سبقني.*15*

MaTR|X

04-12-2004, 07:39 PM

انا هنا يا عبدو باشا
معلشى جيت متأخر شوية

بس معلشى بقى انا رأيى غيرك انت و احمد ناصر

و متهيألى اقوى الحيونات ذاكرة هو الجمل

n3na3aah

04-12-2004, 08:24 PM

انا حقتل ماتريكس و اموت نفسي بعديه

طبعا الاجابه هيه الجمل

و انا عايزه اقترح عليكم ان ماتريكس هوه الي يكمل بقيت الاسئله عشان انا مش لاقيه حد بيجاوب غيره و كمان لاني حختفي اليومين الجايين دول لان الامتحانات اوشكت و لازم ازاكر عشان اخلص من الكليه ده بقه فا ايه رايكم

MaTR|X

04-12-2004, 09:07 PM

هههههههههههههههههههههههههه
تقتلينى ليه بس يا نعناعة
الحق عليه انى بحل اسئلتك

معلشى يا نعناعة أصل انا كمان امتحناتى قربت ومبعرفش اصلا اسأل أنا بعرف أجاوب بس :p

n3na3aah

05-12-2004, 02:15 PM

هههههههههههه منه حموت نفسي بعديك بقه
خلاص نكمل الاسئله

ما هي اخر اية نزلت في مكة ؟

ماما زوزو

05-12-2004, 02:40 PM

بصى يانعناعه الايه
هى " اليوم اكلت لكم دينكم...............الى اخرها"
فى حجة الوداع
والله اعلم

n3na3aah

06-12-2004, 02:28 PM

هييييييييييييييييييييييييييييه

*6* *6* *6* *6*

برافو ماما زوزو *8* *8*

كده بقه النتيجه

ماترككس 8 نقاط
بنت مصر 1 نقطه
همسه حب 1 نقطه
احمد ناصر 1 نقطه
طارق بن زياد 1 نقطه
عبدو باشا 1 نقطه
ماما زوزو 1 نقطه

نبي تكلم وهو من المهد فمن هو ؟

محمود زايد

06-12-2004, 02:50 PM

سيدنا عيسى عليه السلام

aynad

06-12-2004, 04:13 PM

صح طبعا سيدنا عيسي عليه السلام

n3na3aah

09-12-2004, 10:27 PM

صح طبعا يا محمود و ليك نقطه

السؤال الجديد

نبي ادعى اليهود انة ابن الله فمن هو ؟

طارق بن زياد

10-12-2004, 09:16 PM

العزير

و الاية في سورة البقرة
"و قالت اليهود عزير ابن الله......"الاية

saladino

10-12-2004, 09:28 PM

ســـؤالى :

ماذا كان لقب أبليس قبل لعنه الله عليه ؟

ماذا كان أسمة فى اللوح المحفوظ ؟؟

n3na3aah

11-12-2004, 12:50 AM

برافو علييك يا طارق و كده ليك نقطه معايا

ميرسي علي اسئلتك سالادينو و ان شاء الله حاحاول اجاوب عليها

سؤالي الجديد

من هو مكتشف داء الكلب ؟

saladino

11-12-2004, 12:55 AM

مكتشف داء الكلب هو الفرنسي لويس باستور

n3na3aah

15-12-2004, 09:36 AM

الليه ينور عليك يا سالادينو

كده المجموع النهائي

ماتركس 8 نقاط
بنت مصر 1 نقطه
همسه حب 1 نقطه
احمد ناصر 1 نقطه
طارق بن زياد 2 نقطه
عبدو باشا 1 نقطه
ماما زوزو 1 نقطه
محمود 1 نقطه
سالادينو 1 نقطه

السؤال الجديد
ماهو القبر الذي سار بصاحبة ؟

Abdou Basha

15-12-2004, 11:49 AM

حوت سيدنا يونس..

saladino

15-12-2004, 05:35 PM

حوت سيدنا يونس
لاإله إلا أنت سبحانك انى كنت من الظالمين

n3na3aah

17-12-2004, 10:53 PM

برافو عليكم يا عبدو باشا و سلادينو و ربنه يزيدكم من ثقافه ان شاء الله النقطه تروح لعبدو باشا *8*

من هوه الصحابي المستجاب الدعوه؟

MaTR|X

17-12-2004, 10:57 PM

الصحابي سعد بن ابي وقاص رضي الله عنه

n3na3aah

21-12-2004, 08:56 PM

الله ينور عليك يا ماتريكس
ياله المره الجايه حاجي بعد الامتحانات بقه و عليكم خير و ححسب النقط

السؤال

من مكتشف عصابات البرص؟

ز يا ريت حد يقولي ايه عصابات البرص ده اساسا انا اول مره اعرفها *7*