سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : لعبة الاشاعات ( ممنوع دخول اللي بيزعلوا )

aynad
21-09-2004, 02:50 AM
السلام عليكم ورحمة الله وبركاته
اللعبة عبارة عن انك تحط اشاعة للعضو اللي قبلك
بس احنا مفيناش من زعل

وانا حبدأ الاول

شفت بنت مصر امبارح وهي ماشية عمالة تضرب في اللي رايح واللي جاي :d :d متزعليش مني يا بوسي احنا بنلعب *7*
لو اللعبة بايخة قولولي ..........
سمسمة
21-09-2004, 01:07 PM
وعليكم السلام ورحمة الله وبركاته

ازايك ياايناد *30*

سمعت ان ايناد هتزعل من الاشاعة اللى انا عايزة اقولها;)
aynad
21-09-2004, 03:17 PM
ازيك يا سمسمة
ايه اللي انا سمعته عنك دة بس
انا سمعت انك لازم قبل ما بتنامي لازم تشمي ريحة رجلين اخواتك .........
ليه يا سمسمة ؟؟؟؟؟؟؟؟؟ ههههههههههه
أحمد ناصر
22-09-2004, 02:58 PM
والله يا إيناد أنا خايف اللعبة دى تقلب بغم
ربنا يستر
عموما مؤقتا لحد مانشوف إيه اللى ها يحصل
أنا سمعت إشاعة إنك لما بتاكلى بتوقعى الأكل على هدومك
aynad
23-09-2004, 12:38 AM
والله يا إيناد أنا خايف اللعبة دى تقلب بغم
ربنا يستر
عموما مؤقتا لحد مانشوف إيه اللى ها يحصل
أنا سمعت إشاعة إنك لما بتاكلى بتوقعى الأكل على هدومك
سبها علي الله يا احمد
انا شفتك امبارح وانت بتلعب سيجة في الشارع ..........
أحمد ناصر
23-09-2004, 07:41 AM
سبها علي الله يا احمد
انا شفتك امبارح وانت بتلعب سيجة في الشارع ..........
ونعم بالله
لأ ما كانتش سيجة
ده أنا كنت بألعب بلى
:d
بنت شهريار
08-01-2007, 04:20 AM
هههههههههههههههههه
حلوة اوى يا ايناد
بس عيب تفتنى على استاذ احمد
انا شفتك وانتى على الرصيف التانى كنتى بتلعبى بردو استغمايه
ههههههههههههههههههه

للرفع
ta3mia
08-01-2007, 06:21 AM
السلام عليكم
انا ما بحبش النم والقيل والقال بس للاسف الشديد بقي وعلشان اللعبه لازم اقول اللي اعرفه
انا يا جماعه شفت بنت شهريار و هي بتاكل الفته في العيد و ربنا يسامحني بقي على اللي ها اقوله ( عمركم شفتم حد بياكل طاجن فته لوحده ) وخروف محمر .... وصنيه رقاق و الدمعه و البمبار ... طبعا الوضع كان صعب قوي لدرجه ان في ناس ادخلت في الموضوع وحاولو يحلوه بشكل سلمي .. بس الخبر اتسرب للجرائد و بالصوره و ربنا بقي يسامح اللي كان السبب
الأنسه بكلويز
08-01-2007, 09:01 AM
طعميه
يا سلام يا ولاد
شوفوا الدنيا صغيره ازاي
بعد مخطفتك في الموضوع اللي هناك
اجب افضح اللي انا شفته هنا

اقول و لا مقلش

بصي علشان انا بحب الطعميه حقول الحقيقه متخفيه

يا جماعه و انا كنت خاطفه طعميه و بالرغم من اني كنت بقدملها اطايب الطعام و الشراب
شفتها.....شفتها.... مش قادره اقول
شفتها بتشم ورق اللحمه
هيه بقي و خلاص


مع اني بموت في الطعميه :h:
ta3mia
08-01-2007, 07:08 PM
كده بردو يا بكلو يز ... بعد ما سهرت معاكي يوم الوقفه وانا بلبسك و عملك شعرك علشان يوم العيد
و خبي الكلويز من هنا و من هنا ..... علشان تباني رشيقه و البواريك يا بكلويز .......... بعد كل البواريك اللي لبستهالك علشان الصلع ... تطلعي سري بره
الأنسه بكلويز
08-01-2007, 08:25 PM
انا يا طعميه يا منشيه بلبس بواريك
اه يا ربي علي الافترا
اقول بقي انك طعميه مزيته و مزنجره
افضحك و اطلع زيت العربيات
هيه
اقول
ta3mia
10-01-2007, 01:53 PM
حقق عليا يا ستي مكنشي المفروض اقول اسرارك على الهواء مباشره
بس انتي عارفه بقي الزيت نضح و العملية بقت مزيته على الاخر
انا خبت لك الزيت اللي طلبتيه مني علشان الصلع
الأنسه بكلويز
10-01-2007, 03:04 PM
اه يا قرعتي يا مغلباني
ماشي يا ست طعميه
انا راضيه باللي تقوليه مش الحقيقه ماشي ماشي
بس ابقي افتكري انك طلبتي مني دواء علشان القمل اللي عندك
سبت الشعر ليكي
aynad
10-01-2007, 03:39 PM
انا شوفت امبارح
بكلويز و طعمية بيجروا ورا عربية الرش وبيقولوا هيه هيه هيه هيه
وكانوا لابسين بنطلونات البيجاما وشبشب حمام ابو صوبع وفانيلة شكلها غريب
وكانشين شعرهم خالص هههههههههه
bOndOk25
10-01-2007, 03:44 PM
وانا عرفت ان ايناد اللى عامل المسابقة دى مقتبس فكرتها من منتدى تانى
يعنى دى ماكانتش فكرته ولا حاجه
"متزعلش يا ابناد"
دى اشــــــــــــــــــــــاعة
bOndOk25
10-01-2007, 03:50 PM
انا عرفت ان العضو الجديد اللى اسمه بندق25 ده مش عضو حقيقى ولا حاجه
وانه عضو وهمى
يعنى مفيش حد اسمه بندق خالص
وان وجوده هنا فى المنتدى برضه اشـــــــــــــــــاعة
mr_virus
10-01-2007, 03:56 PM
وانا عرفت ان bOndOk25 جسوس من منتدى تانى

جاى يعرف اسررنا
bOndOk25
10-01-2007, 05:42 PM
استر عليا الله يستر عرضك
الأنسه بكلويز
10-01-2007, 07:52 PM
بندق
شفتك امبارح بتاكل لب
و رميت الاشر علي الارض
عيب
mr_virus
10-01-2007, 07:59 PM
بكلويز

عرفت انك مبتحبيش الفول
رغم انه نوع من اسمك
thereallove
10-01-2007, 08:23 PM
ههههههههههههه

فيرس سمعت انك اخدت دكتوراه في الكمبيوتر
خالد الفارس
10-01-2007, 09:08 PM
على فكره لو حد قال عليا اشاعه هاضربه بس يللا علشان انا حالف انى ارد

thereallove سمعت انك من كتر نزولك الترعه اللى باينه فى التوقيع بتاعك ده جابتلك بلهارسيا
صح ولا غلط ؟؟؟؟
mr_virus
10-01-2007, 09:38 PM
خالد سمعت انك بقيت مشرف من كتر تريقتك على الاعضاء وتتفشهم
الأنسه بكلويز
10-01-2007, 10:29 PM
فايرس
صراحه و من غير زعل بقي معلش مش انا اللي قلت يعني
سمعت انك عندك البري بري
و بتاكل مشابك الغسيل
ربنا يشفي
بسمله
10-01-2007, 10:42 PM
ليه كده ميس بكلويز

امرى لله اقول اللى عرفته

اتضح اخيرا ان ميس بكلويز

بتخاف من الاستاكوزا
ندى الايام
11-01-2007, 12:23 AM
بصراحه يا بسمله انا عرفت انى البانجو اللى فى قاعه المسابقات
فى لعبه حزنت طلع بتاعك هههههههههههههه انتى فاهمه طبعا
بسمله
11-01-2007, 12:40 AM
والله ماشى ياندى


ياجماعه انا باعترف البانجو فعلا بتاعى

وشرياه من ندى

وبالاماره اسمها الحركى المعلمه اطاطا
الأنسه بكلويز
11-01-2007, 06:58 AM
ندي الاسم الجميل ده يطلع اطاطا في الاخر
لالالالا زعلتيني يا ندي
بس يالا اهو علي الاقل احسن من الست بسمله
انا سمعت ناس بيندهوا عليها "يا بشله"
اه اتاريها شايله طفاشه في كم الفانله و ماشيه تعور الناس
kalecoper
11-01-2007, 07:22 AM
كده برضه يا بندق
تروح الجامعه بشبشب و تروح بكوتشى جديد كل يوم ماشى مفيش مشكله
لكن اخرج من الجامع بعد صلاه الضهر يقولولى بندق وصل بيها يجيب عسليه دة مش ممكن ابدا
الحق يا جماعه انه رجعلى على العشا من غيرها
فين يا بندق الكوتشى يقوللى خسرته فى جيم بلاى ستاشن
مش هتتغير ابدا

اوعى تزعل :elvis:
تحياتى
bOndOk25
11-01-2007, 11:05 AM
كده برضه يا بندق
تروح الجامعه بشبشب و تروح بكوتشى جديد كل يوم ماشى مفيش مشكله
لكن اخرج من الجامع بعد صلاه الضهر يقولولى بندق وصل بيها يجيب عسليه دة مش ممكن ابدا
الحق يا جماعه انه رجعلى على العشا من غيرها
فين يا بندق الكوتشى يقوللى خسرته فى جيم بلاى ستاشن
مش هتتغير ابدا

اوعى تزعل :elvis:
تحياتى


بس برضه انت اللى غلطان
لانى فضلت اتحايل عليك عشان تدينى البنطلون بتاعك عشان اعوض بيه اللى انا خسرتة فى البلاى ستيشن وانت اللى مارضيتش المهم دلوقتى هاتدينى البنطلون ولا لأ
وتعالى هنا قولى صحيح لما انت خرجت من الجامع ومالقيتش الكوتشى بتاعك طيب انت روحت ازاى:good:
بسمله
11-01-2007, 03:48 PM
معقوله ميس بكلويز

خرجت بعد العمليه

الجراحيه ... عند الحلاق
بنبونه
11-01-2007, 07:36 PM
انا سمعت يا بسمله انك اكبر واحد بتروجى اشاعات
mr_virus
11-01-2007, 08:44 PM
انا شوفت قصدى سمعت انك ادلق عليكى امبارح عصير فى النادى وقمتى تصوتى زى المجنونه
thereallove
12-01-2007, 10:42 AM
هههههههههههه

فيرس سمعت انك جننت اتنين بسببك
mr_virus
12-01-2007, 03:42 PM
اتنيين بس


احمد سمعت انك ناوى تتخلى عن الامبراطوريه
خالد الفارس
12-01-2007, 07:54 PM
صحيح يا فيرس اللى سمعته ده

قال انك بتتضايق اوى لما حد يحط موضوع

وناس كتير ترد عليه وموضوعك انت ما حدش ياخد باله منه خالص
mr_virus
12-01-2007, 08:24 PM
انا سمعت عنك حاجه

غريبها

انك

امبارح

كنت راكب الاتوبيس

وكنت قاعد

و جت وحده ست كبيره فى السن



كردتش تقوم وتقعدها


كده يصح برضو
الأنسه بكلويز
13-01-2007, 12:08 AM
اخ فيروس
عيب قوي اللي انا شفته ده
ميصحش خالص
لالالالالالا
مكنتش منظره منك كده
ماشي تخطف الشكولاته من العيال في الشارع
لالالالا
عيب
bOndOk25
13-01-2007, 09:59 AM
اكيد الانسه بكلويز زعلانه من حكايه الشوكالاته دى
لانها هى العيال الصغيرة اللى اتخطف منها الشوكلاته
:)
thereallove
13-01-2007, 02:51 PM
بندق انا سمعت انك مسجل خطر والعمده والمأمور بيدوروا عليك

اهرب يا واد
bOndOk25
13-01-2007, 04:54 PM
هو عشان انت المامور هتفضحنى فى كل حته ثم هو مين يعنى اللى مسجلنى خطر غيرك انت
طب اذا كنت انا مسجل خطر فانت الخطر كله
ده غير ان انا سمعت ان انت مش بتعرف تفك الخط وانك بتجيب ابن اخوك عشان يكتبلك فى المنتدى
thereallove
13-01-2007, 05:30 PM
والله ايه الخفه دي يااااااااا سلالالالالالالالالام

ماشاء الله ماشاء الله جبتوه منين ده

ههههههههههه

سمعت انك يا وعلم اتمسكت واتحطيت في السجن والمساجين وضبوط

ههههههههههه
bOndOk25
13-01-2007, 05:41 PM
فعلا وضبونى وحلقولى دقنى وخلونى على سنجة عشرة لانى طالع افراج
لانهم عرفوا انى مظلوم وان المجرم الحقيقى هو انت
وانهم ظبطوا بتسرق جزم وشباشب من على باب الجامع
رجع الجزم يا حرامى

كلاكيت تانى مره"ممنوع دخول اللى بيزعلوا"
متيمه الرحمن
14-01-2007, 08:23 PM
يابندق حرام عليك
هتخلينى افشى السر
انا شفتك انت اللى بتحرضه يعمل كده اصلا
وربنا يسامحنى بقى على السر اللى طار
redag
14-01-2007, 08:51 PM
وانا سمعتك يا متيمه وانتى بتتفقى انك تقسمى معاه لو سكتى ومبلغتيش عنه
thereallove
14-01-2007, 09:59 PM
وانا حرااااااااااااااامي ااااااااااااااااااااااااااااااااه

وشركائي

ديدي متيمه

وreadag

وبندق

وعليا وعلي اعدائي
متيمه الرحمن
14-01-2007, 10:08 PM
ده اعتراف رسمى
والاعتراف سيد الادله
هاتوا الكلبشات يا جماعه
بس طبعا
طبعا
طبعا
انـــــــــــــــــــا بريئــــــــــــــــــــــــــــــــه[/COLOR][/B][/COLOR]
thereallove
14-01-2007, 10:26 PM
لالالالالالالالالالالالالالالا

انتي عضو اساسي وانتي اللي كونتي شايله الشوال بتاع الشباشب

وبعدين الحاجه بصراحه عندك ومتخلينيش اتكلم اكتر من كده
متيمه الرحمن
15-01-2007, 01:19 AM
ههههههههههههههه
حرام عليك
ياعينى على الولد المسكين
كل ده عشان مش لابس النظاره
انت اتلغبطت
مش انا طبعا اللى كنت معاكوا
دى اسمها ايه دى
وبلاش لغبطه بقى
كت هتودينى ف دهيه
الأنسه بكلويز
15-01-2007, 07:24 AM
متيمه
ايوه انا اشهد ان مش انتي اللي كنتي معاهم
ده كان واحد ثالث صاحبهم و لابس باروكه
تمويه يعني
لانك انا شفتك يومها برضه و انتي بتلعبي مع القطه بتاعتك
صح
سمو البرنس وائل
15-01-2007, 07:36 AM
سمعت ان بكلويز زملكاويه عميله للبيت الابيض
وعامله نفسها اهلاويه جداً علشان تعرف اسرارنا الحربيه
ليه كده يا بنتي
ههههههههههه
الأنسه بكلويز
15-01-2007, 07:52 AM
وائل بلاش انت في الاشاعات
علشان مقلش اللي انا عارفاه و افضحك
هيه
ماشي
يعني اسكت علشان اسكت انا كمان
و لا اقول اني شفتك بتدف طوب علي الاهلويه هيه
تقف في النص و تقول تيت تيت اهلي
و تجري تمسك زلطه تدفها و تبص وراك و تقول اهوه الواد اللي حدفها اهوه

عيب قوي قوي قوي
متيمه الرحمن
15-01-2007, 10:30 AM
ههههههههههههه عيب عليك كده يا وائل
وبعدين انا ما اصدقش اى حاجه ع القمر دى (بكلويز)

هو فعلا حصل كده يا بكلويز وانا اللى كنت واقفه جمبك وعماله اقولك بصى وائل بيعمل ايه
الأنسه بكلويز
15-01-2007, 12:22 PM
و شهد شاهد من اهله
شفت بقي
يعني في شهود عيان عليك و انت بتعمل عملتك
الله يفتح لعيكي يا متيمه
و الله انتي جدعه و ميه ميه
و لسه بقي اللي مشفتيهوش كمان اللي عمك الحج وائل بيعمله
ييييييييييييييييييييييييييييييييييييييييييييي يي
بيلم الشعر اللي بيقع من الحلاقه
و يعمله باروكه
و يحطه علي القرعه
ههيهيهيههييهيهيهيهيهيهيههيه
سمو البرنس وائل
15-01-2007, 01:41 PM
كده ... امممممممم
انا ماكونتش عايز اتكلم
بس طالما جبتي سيرة القرعه
يبقى لازم اتكلم واقول
يا جماعه انا شوفت بعيني دول
اللي حايكولهم الدود بعد عمر طوييييييييل
ان شاء الله طبعاً
شوفت بكلويز ومتيمه وهما بيجروا ورا عربية الرش في الشارع
مش عيب عليكم في السن ده تعملوا كده
هههههههههههه
متيمه الرحمن
15-01-2007, 02:39 PM
ما انت طبعا لازم تكون شفتنا
لان انت اللى ندهتنا نيجى نجرى معاك وراها
هههههههههههههههه
مصريه وافتخر
15-01-2007, 04:50 PM
ايه اللي بيحصل هنا
مش مهم
شفتوا اللي حصل
عم احمد مطلوب القبض عليه
في تهمة انتحال شخصية الطبيب المعالج للمنتدى
واه القضية سخنة
واللي يجيبه
هياخد مكافأة حلوة اوي
mr_virus
15-01-2007, 04:52 PM
يا مصريه انا سمعت انك علقوكى على الحبل مع بقيت زميلك الكلام ده صح ولا ايه

انا رايح اتاكدلك
متيمه الرحمن
15-01-2007, 08:45 PM
لا طبعا مش صحيح ولا حاجه
دى اشاعات اشاعات
انت اللى سمعت انك هتتعلق قريب موووووت
mr_virus
15-01-2007, 08:51 PM
انا مستنى

اللى انا عرفته انك بتجهزى لتفجير المنتدى
متيمه الرحمن
15-01-2007, 08:56 PM
هههههههههههه
ليه تفشى الاسرار اللى سمعتها؟
بس انا ناويه افجره من الضحك
هههههه


بس انا سمعت انك اما عرفت كده كنت ناوى تشترى لي الديناميت على حسابك
مساهم يعنى
thereallove
16-01-2007, 12:48 AM
انا سمعت انك بتخططي للاطاحه بابن البلد
متيمه الرحمن
17-01-2007, 01:34 AM
حرام عليك
ده انا مسكينه

انا عرفت واتاكدت
انك انت اللى ورا احداث
مبنى التجاره العالمى
الأنسه بكلويز
17-01-2007, 07:24 AM
متيمه
حبيبه قلبي
و اختي الجميله
لو مش بخاف عليكي مكنتش قلت
كده تقطعي الكتب و ترميها من البلكونه
thereallove
17-01-2007, 02:37 PM
بكلويز سمعت انك معدتيش بتشجعي الاهلي

بتشجعي الزمالك من العمايل اللي بعملها فيكي

هههههههههههههه
الأنسه بكلويز
17-01-2007, 02:56 PM
فشششششرررررررررررررررررررررررررررر
انا اهلويه و نص و تلات اربع كمان
قطع لسان اللي يقول عليا زملكويه
ليه اتجننت
اسمالله عليك ياللي بتشجع كفر ابو ظلط
متيمه الرحمن
10-02-2007, 06:52 PM
بكلويز يا حبيبتى
انا سمعت ان انتى ناويه تعلقى ناس معينه كده على حبل الغسيل
ياترى صحيح ولا اشاعه
عادل الشرقاوى
06-04-2007, 10:54 AM
العصفورة قالتلى ان الاعضاء

ميمو المصرى

احمد المصرى

اشرف المصرى

حسن المصرى

يحيى المصرى

من عائلة واحدة.............قال صح
الأنسه بكلويز
06-04-2007, 01:04 PM
عادل
معلش اخويا العزيز
انا مضطره اقول
مش قادره اسكت
سمعت انك بقيت بتشرب سفن اب بدل السجاير
سامحني بس كان لازم اقول
thereallove
06-04-2007, 01:29 PM
بكلويزتي حبيبتي انا سمعت ان سبب الغيبه دي انك كونتي في جنوب افريقيا

بتجيبي صفقه معيز جديده علشان تحسني السلالات اللي عندك
mr_virus
06-04-2007, 01:52 PM
احمد انا سمعت انك ناوى تسمم المعيز بتاع بكلوزه الكلبوزه
الأنسه بكلويز
06-04-2007, 02:42 PM
555555555
اقدم الورد الخاصه
لكل من سال عني في غيابي
اشكركم
thereallove
06-04-2007, 11:21 PM
هههههههههههههههههههههههههههه

انتي نمتي يا بكلوزه ولا ايه

ايه اللي جاب دي لدي

بس يلا شكرا يا بكلويزتي علي الورده

بكلويز سمعت انك بجد بجد كرهتي الاهلي موووووووووووووووووووت
عادل الشرقاوى
07-04-2007, 03:10 AM
بكلويز

يااختى انا بطلت السجاير من ساعة ماسمعت انك هتبطلى ترعى معيز

وتشترى شركة سفن اب

ومن جاور السعيد يسعد

thereallove

سمعت انك واقع فى قصة حب لشوشتك

هنياله
ريـم
07-04-2007, 01:50 PM
أنا سمعت انه مش سفن و بس ، ده أنت بتساعد بيتزا هت تعرف سر حب العرب ليها لدرجة انه هما مش بيعملوا بيتزل لنفسهم و انت لما تكتشف و تقولهم هيشوفوا حاجة أقوى تخلينا منعملش حاجة خالص ..
أما مليش دعوة ، هما إللي قالولي
thereallove
07-04-2007, 04:43 PM
ريم سمعتي انك خلاص بتقولي مش عاوزه الجنسيه المصريه وعاوزه تفضلي في ايرلندا علي طوووووووووووووووووووووووووووووول
ريـم
07-04-2007, 07:03 PM
لا لا ، محدش يصدق أحمد و إشاعته الصعبة دي ..
معلش، أساساً أنا سمعت إشاعة انك بتسمع إشاعات كتير مش صحيحة(لازم تكون صحيحة) ..
thereallove
07-04-2007, 11:25 PM
ريم سمعت انك بتنكري علشان اللي في منتدي ابناء مصر ميبعدوش عنك

ها ايه رايك؟
عادل الشرقاوى
08-04-2007, 05:38 AM
متيمة الرحمن

سمعت انك مش عندك 19 سنة وعندك 79

وبتصغرى سنك علشان الحسد

thereallove

سمعت تانى انك واقع فى قصة حب لشوشتك

redag


سمعت برضوه انك عايزة تغيرى اسمك علشان عاملك مشاكل
ريـم
08-04-2007, 10:21 PM
رأيي ؟ لا لا أنا مأديش رأيي في حجات كده ..
thereallove
08-04-2007, 10:31 PM
ريم سمعت انك ممنوعه من الكلام او خايفه تتكلمي لانك منضمه الي جماعه تهدد بالاطاحه بالرئيس وعمل انقلاب عسكري مع تفجير ماصوره ايرلندا اللي في الشارع بتاع جامعه الدول العربيه
متيمه الرحمن
09-04-2007, 02:23 AM
هههههههههههههههه
كده برضه
79 مره واحده
طيــــــــــــــــــــــــــــــــــــــــــب
انا بقى سمعت انك بتحب اتنين
thereallove
09-04-2007, 02:37 AM
لالالالالالالالالالالالالا دا انا قلبي اكبر من كده

متيمه سمعت انك اتسرق منك بقيت اليوميات
عادل الشرقاوى
09-04-2007, 07:27 AM
ههههههههههههه

لا اللى قالك غلط

اعكسيها

اتنين بيحبونى

دى احسن

***********

متيمة الرحمن

سمعت انك اكبر عضوة من اعضاء كفاية
ريـم
12-04-2007, 02:40 PM
ايه الي جاب ماصورة ايرلندا في شارع جامعة الدول ؟

سمعت انك فقدت الذاكرة يا أحمد
و إنك مخاصمنة كلنا في المنتدى يا متيمة
و إنك مش عادل الشرقاوي يا عادل
حمادو
12-04-2007, 04:59 PM
ايه دا ياريم ؟؟؟ حقيقي؟؟؟ تصدقي برضه ان انا سمعت ان عادل الشرقاوي مش عادل؟؟؟
طلع اسمه مينا جرجس...ومش شرقاوي ولا حاجة دا طلع منياوي
اللهم اجعل كلامنا خفيف عليهم
thereallove
12-04-2007, 05:43 PM
حمااااااااااااااااااااااادو سمعت ان بنت عمده المانيا ماشيه معاك

انت بتوصلها مكان ولا حاجه؟

ههههههههههههههههههههههههههههههه
حمادو
12-04-2007, 05:49 PM
هههههههههه
يا اخي اسكت دا كانت بنت نيلة على الاخر...مشيت معاها اسبوع وبعد كده وجعت لي دماغي رميتها في اول بتاع
بس تصدق انها قالت لي ان انت من ضمن جماعة ارهابية وناوي تفجر كوبري سندوب
اخص عليك
thereallove
12-04-2007, 06:01 PM
هههههههههههههههههههههههههه

اما بت فتانه صحيح انا هشتكي ابوها عندنا هنا لعمده بلدنا بس يا حمادو سمعت انها هي اللي سابتك لانها لقتك مفلس وهي كانت داخله علي طمع
حمادو
12-04-2007, 06:04 PM
ههههههههه
ما هي علشان كانت داخلة على طمع انا رسمت عليها ان انا مفلس وشحات كمان
عارف قالت لي ايه كمان؟
ان عادل الشرقاوى هو اللى مدبر التنظيم الارهابي في مصر
thereallove
12-04-2007, 07:07 PM
لالالالالالالالالالالالالالالالالالالالالالالالالا لالالالالالالالالالالالا

الموضوع زاد علي حده قوي البت دي قالت كلام كتير وانت شكلك هتتحط في البلاك ليست لينا
خد بالك من نفسك بقي يا حمادووووووووووو

متيمه جائتني انباء خطيره انك بتخططي لابتعاد ريم عن المنتدي وريم بتفكر ليكي بنفس الطريقه
ريـم
12-04-2007, 07:40 PM
طب متيمة و ماشي ممكن تعملها .. لكن أنا ليه بقى ؟! ده أنا بحب حتى اليوميات بتعاتها ..
(معلش يا متيمة، عشان اللعبة بس و الله)
thereallove
12-04-2007, 07:54 PM
لا خلاص بيق اللي في القلب بيطلع علي طول

عرفتي بقي يا متيمه ان المعلومه صح
متيمه الرحمن
13-04-2007, 02:03 AM
ههههههههههههههههه
لا يا ريم يا حبى انا مش اصدق عليكى كده
وطبعا ولا انتى تصدقى
بس كده اهمد يا احمد
انا بقى سمعت ان انت اللى بتخطط لابعاد ريم وناس تانيه كتير بس مش عاوزه اقول اسماء عشان مش تروح ورا الشمس
ريـم
13-04-2007, 01:01 PM
ايوة يا متيمة ، يرضيكي الي بيتقال ده ؟
thereallove
13-04-2007, 01:30 PM
متيمه ريم انا حبيت بس اوضح لكل واحده فيكم ايه اللي التانيه بتخطط ليه

ودي معلومات انا مش جايبها من عندي لا دي علي لسانكم انتوا ليا

خلاص انا قولت اللي يريحني كل واحده فيكم تاخد هظرها من التانيه بقي
متيمه الرحمن
13-04-2007, 11:23 PM
هههههههههههههههههه
طيب واللى انا سمعته عنك
مش انت كنت قلتهولى قبل كده ولا هتنكر؟
thereallove
13-04-2007, 11:32 PM
دا انتي بقي الواحد ميامنكيش علي اسرار ولا علي كلام

ريم مش انتي قولتيلي علي متيمه كده انا مبطلعشي اشاعات ولا حاجه
متيمه الرحمن
14-04-2007, 12:22 AM
نووووووووو
مش اصدق كده على ريم حبيبتى
سوني
14-04-2007, 02:41 PM
سورى يا ايناد انا لازم اقول اللى شوفته بصراحة
انا امبارح وانا ماشية لقيت ايناد واقفة فى الشارع
لابسه هدوم مقطعة ونكشه شعرها وبتضرب فى الناس
من غير سبب
ريـم
14-04-2007, 03:09 PM
يا سلام .. يعني كلام متيمة صح .. أنت بتخطط لإبعادي ؟!!
ما علينا .. لا لا يا متيمة، أكيد متصدقش.. احنا صحاب جداً ..
سمعتي انه أحمد فقد الذاكرة ؟
و انه بينولوبي هي الي اتخاتنقت مع ايناد ؟
thereallove
14-04-2007, 06:10 PM
ريم سمعت انك ممنوعه من نزول مصر بسبب الحاجات اللي عملتيها في المره اللي نزلتي فيها

اقول ولا اخلي الكلام بينا في الزير زي ما هو

بينولوبي فاكره لما قولتيلي انك هتقولي علي ايناد كلام مش صحيح هو ده بقي الكلام ؟
ريـم
16-04-2007, 08:25 PM
الكلام بينا في زير زي ما هو ؟ ليه على عضوة في كفاية يعني ؟ يا ريت ، ده أنا أتمنى انه الإشاعة تبقى حقيقة .. و على العمارة الي وقعت ؟ طب و أنا ذنبي ايه هما الي اتهموني ؟!!!
انا سمعت انك ممنوع من الخروج بره المنصورة لأنك عامل سحر للناس هناك مخليهم يسمعو كلامك في الصح و الغلط .. كده مينفعش .
thereallove
16-04-2007, 10:46 PM
ههههههههههههههههههههههههههههه

انا بقيت دجال كمان لالالالا محدش يصدق كده خالص حتي متيمه متصدقشي عني كده

ريم سمعت انك السبب في المشاكل اللي بين عمر وساره وناويه تبوظي اليوميات لمتيمه علشان تنجحي يومياتك انتي
سموحة
17-04-2007, 07:59 AM
لا ياباشا ريم دي صحبتي ومرضلهاش ابدا
انا سمعت انك بتاجر بنات واولاد صغيرين وتشغلهم في البيوت وتاخد فلسهم
الكلام دا مش صح يااحمد كده ربنا هيوديك النار
ريـم
17-04-2007, 08:57 PM
كمان تجارة بني آدمين يا أحمد ؟!!
ميرسي يا سموحة ..
و يا متيمة اقري يومياتي يا خبيرة اليوميات و ردي عليها عشان نحط حد للإشاعات ..
و مسمعتيش انه أحمد بيسرب ورق الإمتحانات قبل الإمتحان ؟!
(ملحوظة: نداء من اختكم الصغيرة : قولولها رأيكم في اليوميات بتاعتها)

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث