سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : شعبان عبد الرحيم قال اللي معرفش يقولوه المطربين المثقفين

بنت مصر
15-05-2004, 10:59 PM
شعبان عبد الرحيم (عجبة ) او تريقة الوسط الفني
قال ببساطته وسجيته كلمات رافضه لحال وطننا العربي
في حين يتغني كل المطربين والمطربات باغنيات العواطف
وعروض الفيديو كليب الخليعية ضاربين حالنا المشين عرض الحائط


استمعوا الي كلماته البسيطة وانتوا تصدقوني


http://www.salmiya.net/songs/Shaaban/ram/Shaaban56.ram


وتقبلوا تحياتي
بسنت
فلونه
15-05-2004, 11:15 PM
شعبان جابها من الاخر """ مش لاقيه حد يحوشها والا حد يلمها """ انا معجبه بيه بصراحه
بنت مصر
15-05-2004, 11:23 PM
والله وانا كمان يا فلونة
شكرا يا حبيبتي على المرور


بسنت
فاضــل
15-05-2004, 11:44 PM
هو فعلا جابها على بلاطة .. و من الآخر

باقي إن الناس تسمع .. و تصدق .. و تتحرك
بنت مصر
16-05-2004, 12:11 AM
ادين طويلة اتمدت
عالحته كلها
عماله فيها تخرب
وتفرق منها
مين اللي قال سحابة
مين اللي قال دي غمة
حكايتنا عايزة وقفة
حكايتنا عايزة امه

الناس في كل حته
اتضايقوا واشتكوا
ياعم عربي امتا
ناويين تتحركوا

سكوت ما عدش نافع
دا هو اكبر غلطة
وبكره كل واحد
حيتعمل له خارطه


شكرا جدا يا استاذ فاضل على المرور والاستماع
ويارب الناس تسمع وتتحرك على رأي شعبولا


بسنت
Eskandarani
16-05-2004, 12:29 AM
السلام عليكم ورحمة الله وبركاته

أختي الغالية بسنت مع إني لا أستمع لمثل هؤلاء المطربين نهائياً إلا إستمعت لها إكراما لك

يبدو ان الأغاني الوطنية والحماسية إنقرضت من بلادنا بعد معاهدة الا سلم والا حرب ولم يعد هناك هذه الأيام إلا شعبان وصدقه لنستمع إايه!ِِ
بنت مصر
16-05-2004, 12:45 AM
أخي الغالي اسكندراني
طيب ايه رأيك مش بساطة وجهل مع وطنية شعبان عبد الرحيم
اكتر رحمة وانقاذا لنا من نانسي عجرم ونجلا وروبي؟؟
فهو باضعف الايمان بيرفض حالنا الكئيب

والله اني احترمته كثيرا بعد هذه الاغنية
أحمد ناصر
17-05-2004, 03:43 PM
إيييييه
آآآآآآه
mas20877
20-05-2004, 08:32 AM
المشكله أن شعبان ده من يوم طلع و هو عامل للمثقفين كلو في دماغهم رغم أنه الوحيد اللي بيعبر عن لسان حال الشعب المصري
اللي هوه لا عمال يحب لغاية لما طلع عينه ولا عمال يداري كده
الشعب المصري للي ما يعرفش 60 % منه شعبان ولا انت أيه رأيك يا بسنت
بنت مصر
20-05-2004, 11:17 PM
احمد ناصر العزيز
أشكرك جدا على المرور

mas20877
يداري كده
ههههههههه بركاتك يا ست روبي
شعبان عبد الرحيم لا يتكلم فقط عن حال
كل المصريين وانما ايضا كل العرب

اشكركم وتقبلوا تحياتي
بسنت
حسام عمر
09-10-2005, 07:32 AM
اغنيه اخر جمال

مسمعتهاش من زمان


الف شكر يا بسنت
bashk3
11-10-2005, 09:14 AM
D:\Documents and Settings\Administrator\My Documents
مشكورة يابنت مصر
شىء رائع
بوليفيا
26-03-2006, 05:13 AM
بسم الله الرحمن الرحيم

اختى بنت مصر المحروسة...

كيف احمل اغنية شعبان عبد الرحيم لانى فى شوق لسماعها .. لان اخر اغنية سمعتها له كانت بحب عمرو موسى وبكرة اسرائيل .. اكون شاكر .

تحباتى .. بوليفيا
egymanmasr
26-03-2006, 11:51 PM
هي كلمه حق شعبولا ده راجل جدع
بنت مصر
29-03-2006, 02:15 AM
بسم الله الرحمن الرحيم

اختى بنت مصر المحروسة...

كيف احمل اغنية شعبان عبد الرحيم لانى فى شوق لسماعها .. لان اخر اغنية سمعتها له كانت بحب عمرو موسى وبكرة اسرائيل .. اكون شاكر .

تحباتى .. بوليفيا

أهلا بيك اخي بوليفيا
اتفضل حمل اغنية يا عم عربي بالضغط هنـــــــــــــــــــــــــــا (http://song.6arab.com/sha3ban-abd-elre7eem_ya-am-arabi.rm)

-----------------------------

دي اغنية خلصت الصبر كله
واللي فيها بيدافع عن اهانة الرسول

استمع اليها بالضغط هنـــــــــــــــــا (http://song4.6arab.com/sha3ban_khalasna-el-sabr-kolo.ram)
ولو عجبتك حملها من هنــــــــــــــا (http://song4.6arab.com/sha3ban_khalasna-el-sabr-kolo.rm)


ودي كلماتها

خلصنا الصبر كله
خلصنا الصبر كله وبرضه مفيش حلول
واهي وصلت الاهانة للدين وللرسول

رسول الله محمد وامام الانبياء
عايزين يهزوا صورته السفلة الاغبياء

كل الانبياء عارفينه وقابلوا بعضهم
ساعة ما صلى بيهم في القدس كلهم

مش كل مرة نسكت على اي كلام يقولوة
ماسابوش الدين في حاله والمصحف دنسوه

كل الاديان بريئة من اللي هانوا النبي
عشان دي ناس مجنونة أكبر ما فيهم غبي

لو يقرا عن محمد هيعرف هوا مين
رسول الانسانية الصادق الامين

رب العباد أمرنا نشهد للنبي ونقول
لا بأي دين كفرنا ولا حتى بأي رسول

دنمارك ايه يا عالم حتى بتوع العجول
مين دول عشان يقولوا كلام على الرسول

بريء اسلامنا منهم وكلامهم الكداب
اسلامنا دين محبة مش ظلم ولا ارهاب

في النار هتبقوا لمة مع بعض كلكم
و الولعة في كل يمة هتحرق وشكم

هقول ومش راح اسكت والناس هتقول معايا
عايزين مقاطعة شاملة وبرضه مش كفاية

لو كل الناس هتسكت في رب اسمه الحسيب
عايزين عمل ايجابي في خدمة الحبيب

خلصت الصبر كله وبرضه مفيش حلول
اهي وصلت الاهانة للدين والرسول


تقبل تحياتي

بسنت
بنت مصر
29-03-2006, 02:31 AM
هي كلمه حق شعبولا ده راجل جدع

فعلا يا ايجي ماستر انا بستجدعه برضه جدا وبيصعب عليا من تريقة الناس

على العموم انا هاهديك اغنية امريكا يا أمريكا

استماع (http://songs.6arab.com/sha3ban..america1.ram)
تحميل (http://songs.6arab.com/sha3ban..america.ram)

الكلمات
إم إم إم إم
أمريكا يا أمريكا الناس عايشة ف الام
والعالم كله عاوز الحب والسلام

الريس حسني مبارك خلاص مبقاش ينام
مشغول بالناس تملي وقضية السلام

أمريكا يا أمريكا تعبنا من زمان
زعلنا عالعراق والبوسنة والشيشان

المجاعة في الجنوب والكنغو والصومال
العيال مش لاقية تاكل والدمع يا عيني سال

أرجوك يا عم كوفي ارجوك يا امين ياعام
تفهم اسرائيل تتحرك في السلام

أمريكا يا أمريكا الناس عايزين سلام
وف اي دولة كانت وف اسرائيل كمان

كام الف واد صغير قتلوه مفكروش
ما صعبش يا ناس عليهم ولا حد قال نحوش

ما تقولش تاني حرب وكفاية بقا تهديد
احنا نحب سلام لكن قوتنا حديد

السد العالي محمي مين دا اللي يخربه
لو حد منه قرب والنعمة نكهربه

ريسنا طيب والجد عند جد
ما يسييبش حق بلده ولا يكره اي حد

الريس في الحديث كان واضح في الكلام
وقالها لاسرائيل الحل في السلام

الناس عايزين يعيشوا ويحسوا بالامان
كفاية على اسرائيل العلقة بتاعت زمان

الناس عيازين سلام ما تقولش تاني حرب
كفايا سنين طويلة نازلين في جيرانكوا ضرب
قلب مصر
30-03-2006, 01:01 AM
ازيك يا بسنت
حلو كلام الراجل دا قوى انا اول مرة اقرا كلمات أغانيه واخد بالى منها
فعلا ليكى حق بيقول شوية كلام جامد
انا قلت اجى القاعة عند اخواتنا وحبايبنا بتوع الراديو والتلفزيون
اكمنى متغالظة قوى اليومين دول
وقت يمكن الاقى اغنية شعبان "انا بكره اسرائيل"
وقلت ححطها فى توقيعى
علشان الواحد من دول ييجى داخل على اى مشاركة ليا تطلع له الأغنية تخضه
بس يا خسارة ملقتهاش مش مشكلة
يالا جميل موضوعك قوى
فى حفظ الله
فى حب مصر
30-03-2006, 01:22 AM
شعبان شعبان هوو هووو
بنت مصر
30-03-2006, 09:40 AM
ازيك يا بسنت
حلو كلام الراجل دا قوى انا اول مرة اقرا كلمات أغانيه واخد بالى منها
فعلا ليكى حق بيقول شوية كلام جامد
انا قلت اجى القاعة عند اخواتنا وحبايبنا بتوع الراديو والتلفزيون
اكمنى متغالظة قوى اليومين دول
وقت يمكن الاقى اغنية شعبان "انا بكره اسرائيل"
وقلت ححطها فى توقيعى
علشان الواحد من دول ييجى داخل على اى مشاركة ليا تطلع له الأغنية تخضه
بس يا خسارة ملقتهاش مش مشكلة
يالا جميل موضوعك قوى
فى حفظ الله

يا سلام يا قمر غالي والطلب رخيص

أنا بكره اسرائيل .. استماع (http://egyptian.salmiya.net/songs/Shaaban/ram/Shaaban37.ram)

أنا بكره اسرائيل .. تحميل (http://egyptian.salmiya.net/songs/Shaaban/rm/Shaaban37.rm)

لوضع الأغنية لتكون توقيع لك
عليك بالضغط على هذه العلامة http://www.egyptsons.com/misr/images/toolbox/rplayer.gif في صندوق الادوات اللي فوق

ووضع الوصلة التالية بداخله
http://egyptian.salmiya.net/songs/Shaaban/ram/Shaaban37.ram

أي خدمة
بسنت
قلب مصر
31-03-2006, 02:37 PM
شكرا يا بسبوسة يا قمر
رحمتينى من التدوير عليها
بس بجد طلعت أغنية جامدة قوى
ووحاول انزلها على التوقيع
بس بجد انا متشكرة ليكى قوى قوى
فى حفظ الله
بنت مصر
01-04-2006, 09:49 PM
العفو يا حبيبة قلبي
احنا دايما في الخدمة *105*

بسنت
meshozaghloul
02-07-2008, 02:07 AM
والله انت عموهم يا شعبولا

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث