سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : 30 سنة

أحمد ناصر
08-04-2004, 09:46 AM
عندما اتممت عامى الثلاثون
وذلك منذ ستة سنوات
كتبت هذه الأبيات

تلاتين سنة
محبوس أنا
جوه الساعات
أنطق سكات
وأشتاق لطعم الدندنة
تلاتين سنة

تلاتين سنة
دول مش سنين
دول نبض من
قلبى الحزين
نادى المدى
رد الصدى
مكتوب عليك
تفضل حزين
تلاتين سنة

تلاتين سنة
دول مش كلام
دول ريشة
ف جناح اليمام
صاغت حروف
ضاعت بخوف
من ايد تدور
ع الكفوف
تلاتين سنة

تلاتين سنة
دول مش طريق
دول بقعة من
ضوء الحريق
بس العجيب
ان الحبيب
كوى قلبى
بالنارواللهيب
تلاتين سنة
كريم يونس
08-04-2004, 10:00 AM
اطال الله في عمرك اخى احمد ناصر

انها والله لدنيا زائله والاجدر بنا ان نوظفها في سبيل الدين


بوركت اخى

هي الدنيا تقول بملء فيها == حذار حذار من بطشي وفتكي

فلايغرركموا مني ابتسام == فقولي مضحك والفعل مبكي

تحياتي لك
أحمد ناصر
08-04-2004, 10:19 AM
الأخ الكريم كريم
بارك الله لك وعليك
ما أهون هذه الدنيا
وما أعظم قدرة الخالق
وما أوسع حلمه وعفوه وكرمه
تقبل امتنانى وشكرى
ابن البلد
08-04-2004, 10:23 AM
حلو أوي أحمد ناصر
رائع فعلا
علي الأقل أنا فهمته :d
أشرف المجاهد
08-04-2004, 11:10 AM
بسم الله الرحمن الرحيم

أخى الغالى أحمد ناصر

بارك الله فيك على اختيارك لتلك الكلمات الطيبة


واللهم ارحمنا برحمتك يارب العالمين

أستغفر الله العظيم

وربنا يهدينا الى ما يحبه ويرضاه

جزاك الله كل خير
أحمد ناصر
08-04-2004, 11:13 AM
ابن بلدنا العتره
أنا بأفرح فعلا لما بألاقى تعقيبك
والمرة الجاية ها أكتب حاجة complexخالص :d :d
شكرا لك *8* *8* *8*
أحمد ناصر
08-04-2004, 12:12 PM
أخى الحبيب أشرف المجاهد
أشكر لك تواجدك وردك
وأتمنى من صميم فؤادى أن يوفقك الله واياى لما يحب ويرضى
أشجان الليل
09-04-2004, 04:07 AM
مش عارفه...
انا حاسه إن الكلمات خالية تماما من التفاؤل
يارب يكون ظنى مش فى محله
تحياتى لك
بنت مصر
09-04-2004, 07:24 AM
عقبال ما تكتب لنا عن ميت سنة وانت بصحة يارب
وجميلة جدا جدا يا احمد تسلم ايديك

وفي انتظار ابداعاتك الجديدة

بسنت
د. جمال مرسي
09-04-2004, 03:39 PM
ماذا يحدث

لقد مررت على هذه القصيدة الجميلة من قبل و كتبت ردي عليها شعرا

اين ذهب .. لست أدري

و لن أستطيع كتابته من جديد

تحياتي يا عزيزي أحمد
شهرزاد
10-04-2004, 01:51 AM
مع حروفك أشعر كأني الساحرة لا المسحورة ..

حروفك - عصى الساحرة - التي تأخذنا لعوالم نراها بحدود حرفك ونلمسها بمشاعرنا

عام سعيد
أحمد ناصر
11-04-2004, 10:57 AM
عزيزتى أشجان الليل
بالطبع أنت تعرفين أن أى عمل يترجم حالة كاتبه وقت الكتابة
السعادة والحزن وجهان لعملة واحدة
وأروع الأعمال الأدبية فى تاريخ البشرية هى التراجيديات مثل اليونانية ومآسى شكسبير ومرثيات الشعر العربية
فقط ساهمى دائما فى موضوعاتى وأعدك بأنى سأكون متفائلا على طول الخط
أشكرك كثيرا يا أشجان
أحمد ناصر
11-04-2004, 11:02 AM
بنت مصر الغلية دائما بسنت هانم وبس
دائما انت حاضرة
لا حرمنى الله منك
بس حرام عليكى حكاية ال 100سنة دى
الواحد ساعتها يكتب قصيدة عن ظهره المحنى وسنانه الواقعة
الفاتحة لأبو العباس
أحمد ناصر
11-04-2004, 11:07 AM
د. جمال مرسى
قرائتك لقصيدتى فخرلى
والرد عليها وسام على صدرى
وخسارتى فى عدم قراءتى لقصيدتك فجيعة
أرجو من سيادتك محاولة كتابتها مرة أخرى
ولا حرمنى الله منك
تقبل إمتنانى وإحترامى
أحمد ناصر
11-04-2004, 11:11 AM
عزيزتى الغالية شهرزاد
يا من لغتها الإبداع ونسيمها البلاغة
مجرد القراءة لك يطربنى
تقبلينى صديق عاشق لفنك
أشرف محمد كمال
12-04-2004, 11:41 AM
الحمد لله طلعت أكبر منى
وأنا اللى مرضتش أكتب سنة ميلادى
علشان خايف لأكون كبير على المنتدى
يا سيدى كل تلاتين سنه وأنت طيب*8*

أشرف محمد كمال
شباب فوق التلاتين
أحمد ناصر
13-04-2004, 08:52 AM
يا أشروفة
ده إنت عم الشباب كلهم
أنا بقى خلاص عجزت و يالا حسن الختام
Tiger Woman
14-04-2004, 08:09 PM
اخى احمد ناصر
الله بجد حلوة جدا و لو إنها حزينة شويتين
و ان شاء الله اول ما تكمل 100 سنه تكتب انهم احلى 70 سنه عشتهم بعد 30 اللى كتبت عنهم دلوقتى .

اطال الله عمرك و اسعد أيامك*44*
أحمد ناصر
15-04-2004, 03:28 PM
أختى الحبيبة Tiger Women
أشكرك كثيرا على كلماتك الجميلة
ولما أوصل 100 سنة ها أكتب إسم القصيدة 100 شنة
علشان موش هأعرف أنطق السين
Tiger Woman
15-04-2004, 04:04 PM
مش مهم عندك اسنان و لا ما عندكش
المهم انى عرفت انك هتفضل تكتب مهما طال العمر ان شاء الله *8*
أحمد ناصر
15-04-2004, 05:51 PM
أختى الحبيبة tiger women
أعدك بأننى سأظل أكتب الشعر إذا وعدتينى بأنك ستظلين قارئة له
أشكر لك التواصل الجميل

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث