مين عنده قوة ملاحظة يجي يلعب معايا

[سمسمة]

بصوا اللعبة دى هتعتمد على قوة الملاحظة والعبوا معايا بقى عشان انتوا مالعبتوش معايا فى اللعبة اللى فاتت

هنسئل اسئلة متعلقة بأى حاجة بس المهم انها بتعتمد على قوة ملاحظة اللى قدامك

يعنى على سبيل المثال:

علبة شاى ليبتون عليها كام لون؟؟:d


او: روبى لابسة كام طقم فى اغنية ليه بيدارى كدة؟؟

او : الشيخ احمد ياسين مات يوم ايه؟

اللى يدخل يجاوب على اى سؤال من دول عشان هى اسئلة للتمثيل بس احنا لسة مابدأناش

يعنى اسئلة متعلقة بكل حاجة واللى يجاوب يكون عليه الدور يسئل سؤال برضو بيعتمد على قوة الملاحظة وكدة يعنى

هيه عبجتكم اللعبة؟*7*

البروفة سمسمة..*77*

[إسلام شمس الدين]

لعبة جميلة يا سمسمة

الشيخ أحمد ياسين استشهد فجر يوم الاثنين 22/3/2004

[سمسمة]

يعنى مفيش حد لعب معايا غير اسلام*12*
شكرا يااسلام*17*
طب يالا اسئل بقى سؤالك*37*
البروف سمسمة..*145*

[إسلام شمس الدين]

و لا يهمك يا سمسمة ، بالتدريج إن شاء الله الجميع هيشارك في المسابقة

سؤالي هو :
اسم عبد الحليم حافظ في فيلم ( الوسادة الخالية ) كان ايه ؟

[أشجان الليل]

مش عارفه!!
بس أنا عاوزه أقول لسمسمه إنى غن شاء الله هشارك أول ما أعرف إجابة سؤال!

ولايزال سؤال إسلام مستمر..
اسم عبد الحليم فى الوسادة الخالية

[أشجان الليل]

مش عارفه!!
بس أنا عاوزه أقول لسمسمه إنى إن شاء الله هشارك أول ما أعرف إجابة سؤال!


ولايزال سؤال إسلام مستمر..
اسم عبد الحليم فى الوسادة الخالية

[سمسمة]

كدة بقينا تلاتة حلوين اوى*9*
بس بقى مش متأكدة من اجابة السؤال عشان مااعرفش حاجة عن الافلام *87*
اسمه عبده او عبد المنعم
صح كدة يااسلام؟؟؟*4*

البروف سمسمة..*145*

[بنت مصر]

كان اسمه صلاح وهي كان اسمها سميحة

ودي لقطات من الفيلم

http://www.art-tv.net/Images/ShowsImages/MoviesAmerica/1788/Large/wsadakhalia_medium.jpg

http://www.art-tv.net/Images/ShowsImages/MoviesAmerica/1788/wsadakhalia_gallery2_big.jpg

http://www.art-tv.net/Images/ShowsImages/MoviesAmerica/1788/wsadakhalia_gallery1_big.jpg

http://www.art-tv.net/Images/ShowsImages/MoviesAmerica/1788/wsadakhalia_gallery4_big.jpg

http://www.art-tv.net/Images/ShowsImages/MoviesAmerica/1788/wsadakhalia_gallery3_big.jpg

ناقص بقا احكيهولكم كله


سؤالي بقا

كم حرف الف في عنوان الموضوع دا؟؟ *7*

[رقة الورد]

*4* *4* *4*

أنا عندي قوة ملاحظة عجيييييييييبة تكسر الصخر لكن اخاف من الحسد :d :d

راجعين تاني *8* *8*

[أشجان الليل]

حرفين ألف

((غشاشه بشكل أنا))

سؤالى يقى..
من غير ماتغش..
بسنت حطت كام صورة من فيلم الوسادة الخالية؟

[رقة الورد]

5 صور

سؤالي أنا شو اسمي ؟!!! :d

[سمسمة]

عديتهم وقولتيهم يارقة الورد *85*

عارفة اسمك ايه سالى*87*

لان اسمك على اسم اختى فلزقت بقى

وعلى فكرة يااشجان الليل ياخيابنة هم مش حرفين هما تلاتة لانه فيه الف فى كلمة ملاحظة :d

سؤالى بقى:

بسنت فى الالف الكام؟؟ وبدون غش

البروف سمسمة..*37*

[بنت مصر]

انا ما فهمتش السؤال يا بروف
بس اسمي موجود اهو :d
مفيش خيارات*11*

بسنت

[جنان الفردوس]

عملت سبع آلاف
وفي الألف التامنة..
من غير غش طبعا..
أنا بصيت على اسمها بس
:d

[بنت مصر]

طيب فين سؤالك يا طنط جنان ؟؟

[أشجان الليل]

ماشاء الله يا بسنت :)
عقبالى

ياللا بقى يا جنان..
هاتى سؤال بسرعه

[سمسمة]

كملت 4000 مشاركة ولا حد عبرنى*4*

هسئل انا سؤال:

مذيعة برنامج قبل ان تحاسبوا ....اسمها ايه؟؟؟

البروف سمسمة..*100*

[جنان الفردوس]

مبروك يا بت يا سمسة..
عقبالي..
المهم خلينا في السؤال..
اسمها ايه؟؟
مش فاكرة طبعا؟
حد يجاوب مكاني

[سمسمة]

محدش عارف؟؟؟؟؟؟؟؟؟؟*63*

[أشجان الليل]

هه؟؟
مين؟؟
فيــــــــــــــــــــن؟

[بنت مصر]

قولي انت يا سمسمة
اسمهاا ايه *11*

[سمسمة]

اسمها بسمة *4*

لو اسلام ماكنش طفش من اللعبة كان قالها

السؤال :

كام موضوع مثبت فى القاعة دى؟؟

[movie maniac]

افتكر ثلاثة *3*

ممكن ألعب معاكم ، أحسن أنا جديدة ولسه ما أعرفش حد!!!!!!!! *3*

سؤالي هو لو كان ممكن يعني :

أول موضوع مثبت في القاعة دي كان بتاريخ كام؟؟؟؟؟؟؟؟؟؟؟؟
*8* *8* *8*

[جنان الفردوس]

معرفش طبعا
..
انا كده عايزة كتاب تاريخ..
يا جماعة اسألوا أسئلة سهلة.. أو أسئلة ممكن نغش فيها :d
انا مش عارفه اجاوب على حاجة خالص

[سمسمة]

movie maniac اهلا بيكى

والاجابة بالأمس

نورتى اللعبة واهلا بيكى فى المنتدى

*191*

طيب هاسئل سؤال:

لون بادج قناة دريم 2؟؟

البروف سمسمة..*95*

[بنت مصر]

دريم 1 لونها أحمر
دريم 2 ازرق

سؤالي بقا

الفستان اللي كانت لبساه يسرا في أغنية الكباب الكباب هنخلي
عيشتكوا هباب في فيلم الارهاب والكباب كان لونه ايه
:d

[أشجان الليل]

أحمــــــــــر
ملعلع :)

فى كام برنامج ديني يومى بيجي على القناة الأولى؟

[سمسمة]

حديث الروح

1

صح ياشوشو

*87*

[جنان الفردوس]

فينك يا شوشو عشان تقوليلنا على اجابة السؤال صح ولا غلط
( أنا عارفه انك مبتحبيش اسم شوشو .. بس انا بغيظك مش اكتر ;) )

[أشجان الليل]

أنا جاوبت هنا امبارح...
فين المشاركه؟؟؟؟؟؟؟؟؟؟


أيوه صح

كملوا بقى

[سمسمة]

طيب انا هسئل سؤال بقى وبدون غش.....

مذيعة برنامج ع الهوا هوانا اللى كان بيجى على دريم اسمها ايه؟؟؟؟؟

سؤال سهل بقى اهوه

البروف سمسمة..*115*

[جنان الفردوس]

أنا عارفه
هالة سرحان
صح؟؟

[سمسمة]

صح

اسئلى بقى سؤال

ولا زمانك مش جاية دلوئتى

هسئل انا

فيه كام قاعة فى المنتدى؟؟؟؟؟

البروف سمسمة..*146*

[أشجان الليل]

18 قاعة للأعضاء
و20 للمشرفين
صح واللا أنا غلطان؟!!

[أدهم صبري]

اية دة هو الموضع دة معمول للأتحاد النسائي في المنتدى فقط ولا اية انا مكنتش شايف غير اسلام وشكلكم طفشتوه بسرعة


طيب ممكن انا اسأل

كام عضوة مشاركة في الموضوع

[سمسمة]

4

صح؟

ابن البلد اسمه الحقيقى ايه؟؟؟

[الكينج أبو وليــــد]

اسمه الحقيقى

احمد صلاح

[aynad]

فين السؤال يا شاعر العرب ؟؟؟
طب انا حسأل سؤال
في مسلسل لن اعيش في جلباب ابي عبلة كامل كانت اسمها ايه ؟؟؟

[أشجان الليل]

فااااااااااااااااااااطمه
هههههه

سؤالى بقى...
ماتش الزمالك والهلال السعودى خلص كام كام؟؟؟؟؟؟؟؟؟

[أدهم صبري]

دة كان امتى يا اشجان

وشكلك بتشجعي الكورة اكتر من الولاد لاني معرفش ان كان في ماتش بين الزمالك والهلال في دوري ابطال العرب

الهلال - السعودية 2 : 0 الزمالك
2 : 0 نتيجة الشوط الأول
اصحاب الأهداف
سامي الجابر
تراوري

سؤالي رخم شوية

حكيم في اعلان شاي العروسة شرب كام كباية شاي

[الكينج أبو وليــــد]

في مسلسل لن اعيش في جلباب ابي عبلة كامل كانت اسمها ايه ؟؟؟[/quote]


كان اسمها فاطمة

[أدهم صبري]

اية يا شاعر العرب السؤال دة اتجاوب من زماااااااااااااان

طيب جاوب على السؤال بتاعي يا باشا

[أشجان الليل]

شرب عشرتاشر كبايه

صح؟؟؟
ههههههههه

ده ايه ده أيه ده ده ده أيه ده السؤال الغلس ده
خخخخخخخخخ

[أدهم صبري]

صح هنعديهالك النهردة يا اشجان

لأني بسأل شرب كام كباية شاي مش من كام كباية شاي يعني هو مشربش ولا كباية شاي كاملة ونظرا لأن الأخت اشجان وضحتلي ان ممكن تكون صعبة ورخمة في نفس الوقت فلها السؤال الأن

بس بعد كدة مش هعديها لحد

[aynad]

طيب انا حسأل سؤال
في فيلم شورت وفانلة و كاب
مين اللي كان لابس الشورت ومين اللي كان لابس الفانلة ومين اللي كان لابس الكاب
هههههههههههههههههههههههه
لالالالالالالالالالالالالالالالالالالا
السؤال اهو
احمد السقا كان اسمه ايه؟؟؟؟؟؟؟؟؟

[أشجان الليل]

هه؟؟
مين؟

[aynad]

لا يا اشجان مش حقول السؤال سهل
استعيني بصديق

[أشجان الليل]

كلهم تليفوناتهم مقفوله!!!!!!!!!!!!

[جنان الفردوس]

أنا شوفت الفيلم بس من زمان
فمش فاكرة طبعا
طب قولي اول حرف وانا اكمل

[أدهم صبري]

طيب انا عارف واحد

احمد السقا كان لابس كاب

ولو ممكن

مش فاكل اسماء الي كانوا لبسين شورت وفنلة

[سمسمة]

اسمه خالد

صح ياايناد

*98**65**58*

[aynad]

صح يا سمسمة كان اسمه خالد

طب حقول سؤال تاني
الاغنية بتاعت لؤي ( اه يا عيني يا ليل )
كان في 3 بنات بيرقصوا وراه كانوا لابسين فساتين الونهم ايه

مستنية الاجابات

[أدهم صبري]

لا يا ايناد المفروض سمسمة هي الي تقول السؤال

وبعدين هاتوا اسألة سهلة

[سمسمة]

مش مشكلة ياادهم بقى

انا هاقول

كانوا لابسين اسود والبت اللى فى نص لابسة احمر

على فكرة ايناد انا غشيت السؤال الاولانى من واحدة على الماسنجر

طيب سؤالى:

اسم المذيعة اللى اتحجبت على قناة الجزيرة؟؟

ايوة كدة الاسئلة احلوت من ساعة ماايناد جت;)

عايزين اسئلة تودى ورا الشمس وحاجات محتاجة لبحث مش كل شوية جنان تقول السؤال صعب :d

<-------------اول واحدة هتهرب لما يجى سؤال صعب*109*

ادهم انا عارفة انك بتحب الاسئلة الرياضية والدينية *107*

*148**148**148*
البروف سمسمة..*150*

[الكينج أبو وليــــد]

[QUOTE=سمسمة][B]مش مشكلة ياادهم بقى

انا هاقول

كانوا لابسين اسود والبت اللى فى نص لابسة احمر

على فكرة ايناد انا غشيت السؤال الاولانى من واحدة على الماسنجر

طيب سؤالى:

اسم المذيعة اللى اتحجبت على قناة الجزيرة؟؟

ايوة كدة الاسئلة احلوت من ساعة ماايناد جت;)

عايزين اسئلة تودى ورا الشمس وحاجات محتاجة لبحث مش كل شوية جنان تقول السؤال صعب :d

<-------------اول واحدة هتهرب لما يجى سؤال صعب*109*



[size=5]مش عيب يا سمسمة انك فى العمر ده تغشى

امال خليتى ايه للمبتدئين والاطفال

وكمان بلاش حكاية وراء الشمس الجو اصله حر

ومش ناقص وكمان ممكن الواحد يجيله حمو النيل

عالعموم انا بسجل نفسى وابقى احل معاكم

كمان شوية لما الجو يبرد شوية وتغيب الشمس

[أشجان الليل]

كان اسمها خخديجه؟؟؟؟؟؟؟؟؟

[aynad]

على فكرة ايناد انا غشيت السؤال الاولانى من واحدة على الماسنجر
ماشي يا سمسمة يا غشاشة احنا فينا من الغش اوكي انا كمان حعمل زيك واغش

فين السؤال يا شوشو ( اشجان )
طب اقول انا السؤال ولا ادهم صبري يتكلم ؟؟؟
طب حقول

في مسلسل مين اللي ميحبش فاطمة
جيهان نصر كان اسمها ايه ؟؟؟؟
سؤال سهل اهه
يلا فين الاجابات؟؟؟

[أشجان الليل]

مــــاجده....
هههههه


سؤالى...
برنامج لقاء الإيمان..
على القناة السادسه يوم الاربعاء الساعة التاسعة مساء
يستضيف فضيلة الشيخ.......................؟؟؟؟

ها...اسمه ايه؟

[أدهم صبري]

اية الأسئلة الغريبة دة هو انتم يعني علشان فضين وموركمش حاجة غير الفرجة على التلفزيون تعقدونا احنا

هاتوا اسألة سهلة شوية

ويا يناد

بسم الله الرحمن الرحيم

الإجابة
فاطمة
صح
لو مش صح حد يجاوب بدالي

وبعدين هو سؤال واحد في الحلقة مش اكتر يعني سؤال اشجان يتأجل للحلقة القادمة يعني لحد ما حد يجاوب على سؤال ايناد

[جنان الفردوس]

اية الأسئلة الغريبة دة هو انتم يعني علشان فضين وموركمش حاجة غير الفرجة على التلفزيون تعقدونا احنا

هاتوا اسألة سهلة شوية

ويا يناد

بسم الله الرحمن الرحيم

الإجابة
فاطمة
صح
لو مش صح حد يجاوب بدالي

وبعدين هو سؤال واحد في الحلقة مش اكتر يعني سؤال اشجان يتأجل للحلقة القادمة يعني لحد ما حد يجاوب على سؤال ايناد

أنا معاك والله
أهو شوفتي يا سمسمة مش أنا بس اللي بقول على أسئلتكم صعبة
أهو أدهم مش عارف يحل .. شوفتي *5*
..
بس على فكرة اجابة أشجان صح..واجابتك انت غلط
لأن فعلا جيهان نصر في مسلسل مين اللي مبيحبش فاطمة
كان اسمها سعاد :d
يالا بقى يا أشجان
حلي السؤال بتاعك عشان انا مش عارفه الاجابة :)

[aynad]

انا برضه مش عارفة سؤال اشجان
خلاص يا اشجان غلب حمارنا

[أدهم صبري]

يا جماعة اشجان كانت بتتفرج على البرنامج وهي بتكتب السؤال

فعلشان كدة هي عارفة الإجابة وكمان لازمنستنى يوم الأربع الجي علشان نعرف الإجابة دة لو هنغش

[أحمد ناصر]

يا أشجان لو سمحتى حلى لنا سؤالك الصعب ده
حرام عليكم والله
عقدتونى ف حياتى
ما تخلوا أسئلتكم سهلة شوية

[أشجان الليل]

خمسه؟؟؟؟؟؟

خمسه مش عارفين الإجابه؟؟؟؟؟

يالهوىىىىىىىىىىى


ده البرنامج ده جميل جدا يا جماعه
معقول ماحدش فيكم بيشوفه خالص؟؟

ياللا ما علينا
طبعا بعتذر لإن النت عندى مش شغال
علشان كده اتأخرت

الإجابه هى...
عبده عوض

[aynad]

فيييييييين السؤال يا اشجاااااان
اصوت ولا الطم
خلاص انا حقول سؤال
برنامج شريف منير اللي علي دريم اسمه ايه ؟؟؟ وبيجي يوم ايه ؟؟؟
يلا حلووووو

[الكينج أبو وليــــد]

السؤال ده صعب قوووووووووووى

ممكن استعين بصديق

او احذف اجابتين

اخوكى ابو وليــــــــــــد الحيران

[aynad]

ماشي احذف اجابتين يا ابو وليد
وبرضه مش حجاوب علي السؤال
فكر شوية
او
اقعد ادام دريم ليل نهار يوميا لحد ماييجي البرنامج وجاوب

[أحمد ناصر]

يا إيناد حرام عليكى
طب أحل سؤال واحد
شكلى كده بقى وحش خالص
ما تخللوا أسئلتكم سهلة حبتين

[miroooo]

برنامج شريف منير اسمه
فرصه سعيدة
وبيجى يوم الاربعاء

[miroooo]

وسؤالى هو
انغام تزوجت حديثا
من هو ؟
واخته من هى ؟

ههههههههههه

[أحمد ناصر]

معش كتبت سؤال قبل ما أقرأ سؤالك
وعدلته بالحذف
وأنا بأعشق أنغام
بس معرفش الإجابة

[miroooo]

طيب فكر شويه انت مش تتبع اخبارها ولا ايه؟

[الكينج أبو وليــــد]

مين اللى متزوج انغام مين مين

مين يا ابو وليـد مين يا ابو وليــد مين يا ابو وليد

لا مش عارف


يمكن فاروق الفيشاوى .....!!!!!


ابو وليـــــــــــــد الحيران

[أحمد ناصر]

طيب فكر شويه انت مش تتبع اخبارها ولا ايه؟
والله يا مرمر
أنا بأحب الصوت بس
بغض النظر عن الشخصية
زى محمد منير مثلا
أحب أسمعه هو وأنغام وأصالة
لكن ما يهمنيش أى حاجة تانية
يعنى لو عدوا من جنبى فى الشارع مش ها أسلم عليهم حتى
يا ترى أنا كده صح ولا Complex؟
*11* :d

[منيرة]

هي انغام مش متجوزه بواحد كويتي و لا انا غلطانه ???

[aynad]

انغام اتجوزت من واحد منتج او موزع
بس مش عارفة مين اخته

[miroooo]

طيب اسمه واسم اخته ايه
هى ممثلة يلا حسهلها شويه

[أحمد ناصر]

طيب اسمه واسم اخته ايه
هى ممثلة يلا حسهلها شويه
موش ها أقولك :d :d

[أدهم صبري]

اية يا جماعة سهلوا الأسألة شوية مش كدة

[أحمد ناصر]

اية يا جماعة سهلوا الأسألة شوية مش كدة
قال والمثل يقولك ربنا ما يحكمك على ولايا
ربنا ما يحكم البنات علينا قادر يا كريم
تقولش بنحضر دكتوراة ولا حاجة
:d :d :d :d

[سمسمة]

تيجوا نكمل اللعبة دى*37*

سؤال:

ايه التغيير اللى حصل فى مسجات قناة روتانا النهاردة؟؟*106*

[مجروحه]

انا هقول جوز انغام اسمو فهد منتج
واختوا انا عرفاها شعرها اصفر وكرلى وكانت بتمثل فى مسلسل الهام شاهين الاخير واسمها فرح اظن كده:) صح؟؟؟؟؟؟؟؟*4*
سؤالى بقى
لون عنين نانسى عجرم الاساسى؟*9*



*4* *4* *4*

[ابن البلد]

تيجوا نكمل اللعبة دى*37*

سؤال:

ايه التغيير اللى حصل فى مسجات قناة روتانا النهاردة؟؟*106*
لسه مكرتبش الدش
معندكيش حد يركبهولي ;)

[سمسمة]

انا هقول جوز انغام اسمو فهد منتج
واختوا انا عرفاها شعرها اصفر وكرلى وكانت بتمثل فى مسلسل الهام شاهين الاخير واسمها فرح اظن كده:) صح؟؟؟؟؟؟؟؟*4*
سؤالى بقى
لون عنين نانسى عجرم الاساسى؟*9*



*4* *4* *4*

لونها اسود جاوبى على سؤالى بقى

وهو اللى حصل النهاردة فى مسجات قناة روتانا؟؟

[سمسمة]

لسه مكرتبش الدش
معندكيش حد يركبهولي ;)

كرب على راحتك ياابن البلد:d

احنا مستينك تكرب وبعدين ابقى تعالى جاوب

بس كربه صح انا عن نفسى مااعرفش الاقى حد يكربهولك

ابعت لك المهندس بتاعتنا اللى بيكربلنا بتاعنا

لو ممكن انا واجى احاول اكربهولك بنفسى

دة التكريب سهل خالص

:p:p:p:p

[مجروحه]

حددى سؤالك اكتر فى قناتين لروتانا بس فى واحده بقت تظهر الصور كمان:)
مستنيه التصحيح:d :d :d

[سمسمة]

حددى سؤالك اكتر فى قناتين لروتانا بس فى واحده بقت تظهر الصور كمان:)
مستنيه التصحيح:d :d :d

لا ياستى حصل تغيير بان المسجات بدل ماكانت بتيجى من الشمال لليمين

بقت بتيجى من تحت وتطلع فوق:d

[MaY_13]

شو السؤاااال ؟؟؟؟

بالإنتــــــــظار

[شاهين]

وانا كمان منتظر

[حسام عمر]

وانا كمان منتظر

[Hesham Nassar]

إسمحوا لي يا جماعه بالنيابه عن سمسمه إني أسالكم ...*5*

بعد إذنك يا سمسمه ...*7* ....:d


المنتدى( كله)..

فيه كام قاعه ..؟؟ :)

[عـزالديـن]

24 قاعة بما فيها قاعات فرعية

[ابن البلد]

طيب فيه كام موضوع :d ؟

[ماما زوزو]

23032 موضوع
فيه كام مشاركة؟؟؟ *4* *4* *4*

[ابن البلد]

244765
:d

[حنـــــان]

مكرر
رجاء الحذف وشكرا

[حنـــــان]

اللعبة دي لذيذة جدااا...
سؤال سؤال أفكر في سؤال...

خلفية بطاقة الرقم القومي... مرسوم عليها ايه؟