مساعدات

[bara2a]

بسم الله الرحمن الرحيم
السلام عليكم ورحمه الله
دعوة للتكافل بين أعضاء المنتدي
من يومين كده دار فى بالى فكره واظن انها فكره كويسه
ليه منعملشى قاعه جديده للمساعده !!!!!!
وهي عباره عن قاعه جديدة زى القاعات الاخرى اللى موجوده فى المنتده وينقسم الى قسمين
القسم الاول ( العروض ):
يتضمن رسائل اى واحد عنده فرصه عمل لاى تخصص او مثلا لو في حد يقدر يساعد باعطاء كورسات مثلا كمبيوتر او لغات أو .... فيعرض هذه الخدمات في هذا القسم .
القسم الثاني (الطلبات):
يتضمن رسائل الناس اللي محتاجة مساعدة في حاجة معينة زي مثلا واحد محتاج وظيفة ، او محتاج دراسة كورس معين محتاجه أو حد محتاج شراء سلعة معينة زي موبايل او كمبيوتر او سخان :D او اي حاجة
لأن ممكن يبقي في حد في المنتدي محتاج مساعدة و يبقي في حد تاني في نفس المنتدي وعنده فرصة يساعد بها




أتمني اني اعرف رأيكم و جزاكم الله خيرا

[محمد شحاته]

:):):):):):):):):)

اختى العزيزه براءه كل عام وانتى بكل خير واعاد الله هذه الايام المباركه علينا بالخير والبركات اختى الفكره غايه فى الروعه والجمال فما اجمل ان نساعد بعضنا البعض لما فيه خير الدنيا والدين وانا من رأيى ان هذه القاعه سوف تجد رواجا بين اخواتنا فى المنتدى فكلهم والحمد لله من خيره الشباب والفتيات ولديهم من الوعى والثقافه ما يجعلهم اهل لذلك ولا اعتقد ان اى احد منهم يكون فى يديه ان يساعد اخا له او اخت ويتأ خر فبارك الله فيكى وجعل هذه الفكره فى ميزان حسناتك واوجه الدعوه الى الاخوه المشرفين للنظر فى الموضوع وابداء ارائهم اخوكى اتصالاتكو

[أدهم صبري]

;)فكرة رائعة وانا اايد الفكرة

بس هو فية اية:4: اصل انا كنت نايم :)

مش دة ردة المجلس الموقر ولا غلط في العنوان ونمت في حتة تنية:D

[bara2a]

اخى الغالى itsalatco

كل عام وانت بخير :)

لك منى جزيل الشكر على مرورك وردك على الموضوع
:82: :85: :82: :85: :82: :85:

[bara2a]

كاتب الرسالة الأصلية : أدهم صبري
;)


مش دة ردة المجلس الموقر ولا غلط في العنوان ونمت في حتة تنية:D

الاخ الكريم ادهم صبرى :)
اشكرك على مشاركتك
مش فاهمه تقصد ايه بى رده تقصد اتخاز القرار من جانب هيئه الاشراف ؟؟؟؟
لك منى وافر تحياتى

[مجاهد مصري]

الاخت الكريمه برائه
السلام عليكم ورحمه الله
بجد والله فكره رائعه
وانا اؤيدها تأييدا مطلقا
ولو اني كنت مفكر في نفس الفكره تقريبا
ولكن بشكل استثماري
يعني موقع للبيع والشراء على النت بس برسوم
ومكان او معرض شهري لبيع وشراء مثل هذه المستلزمات في موقع ما (على الطبيعه خارج النت)
تقيمه شركتي حيث انها شركه متخصصه في اقامه المعارض

ولكن بما ان فكرتكِ هذه تبتغي وجه الله دون مقابل
فقد سبقتني للخير وليس امامي الا اتباعكِ وتأيدكِ لوجه الله الكريم
لاكتفي للبزنس بموقع خارج النت
واشارك بقدر الاستطاعه في الموقع اذا تمت اقامته على النت محتسبا معكِ واخواننا الكرام الاجر فيه عند الله تعالى

وبارك الله فيكِ وفي افكاركِ واجركِ الله بها اجرا كريما
ولكي جزيل الشكر

[أدهم صبري]

هو الموضوع جدي جدا بس حبيت اضيف طابع اخر

الموضوع محتاج اكبر قدر من التأيد ليتم الموافقة علية

الطابع الأخر

زي مجلس الشعب بترفع ايدك علشان تايد اي قانون جديد متعرفش عنة حاجة

[bara2a]

الاخ العزيز مجاهد

اشكرك على مشاركتك الطيبه وعلى استعدادك للمساعده والمساهمه :):):)

""ولكن بما ان فكرتكِ هذه تبتغي وجه الله دون مقابل""

ان هذه الفكره ابتغاء وجه الله تعالى وممكن يكون هناك مقابل ولكن ليس للبزنس اى يكون المقابل على قدر التكلفه اذا تطلب الامر يعنى مثلا مثلا لاعضاء المنتدى كورس اللغه مخفض وهكذا
اما الدال على خير بدون مقابل مثل وظيفه لمهندس او محاسب او سكرتيره او...... بشركه كذا

بارك الله فيك اخى الكريم وجزاك كل خير واجرك على نيتك الطيبه للمساعده

:140:

[bara2a]

كاتب الرسالة الأصلية : أدهم صبري
الطابع الأخر

زي مجلس الشعب بترفع ايدك علشان تايد اي قانون جديد متعرفش عنة حاجة

مشكووووور اخى الكريم ادهم على الطابع الاخر للموضوع
:40: :40: :40: :40: :40:
بس ايه رئيك بجد مش ده ممكن يساعد كتيييييييير فى المنتدى

[فارس الأندلس]

الأخت براءة بارك الله فيك وجعل هذه الفكرة فى ميزان حسناتك وجعلها الله حجة لكى لا عليكى يوم العرض عليه
اوافق وأؤيد بشدة بالرغم من عدم قدرتى فى الوقت الراهن على تحديد انواع المساعدات التى من الممكن ان نقدمها ولكن اعتقد ان الموضوع سيحتاج منا لمناقشات موسعة بجدية اكثر لعمل هذا المشروع خاصة اذا وجدنا من لديه القدرة على رعاية الفكرة على ارض الواقع
ولنفرض مثلا اننا بدأنا بتحديد مجموعة عمل اذن فقد وفرنا الكوادر البشرية التى سينجح بها المشروع
مثل مجموعه من المتخصصين فى كل المجالات للكورسات فى اللغات والكمبيوتر
وايضا استغلال وجود بعض الاخوة الموجودين فى دول مختلفة اذا صادف احدهم فرصة عمل فبدلا من التوجه الى مكتب عمالة فانه يستطيع ان يتيح لأخيه من خلال المنتدى الفرصة عن طريق قنوات شرعية تحددها ادارة المنتدى
واعتقد ان الفكرة لو نجحت بإذن الله ستكون مشروع الخير الذى سيشغل فراغ الكثيرين ممن يمتلكون اوقات لا يعرفون كيف يستغلونها


تحياتى
فارس الأندلس

[bara2a]

كاتب الرسالة الأصلية : فارس الأندلس

وايضا استغلال وجود بعض الاخوة الموجودين فى دول مختلفة اذا صادف احدهم فرصة عمل فبدلا من التوجه الى مكتب عمالة فانه يستطيع ان يتيح لأخيه من خلال المنتدى الفرصة عن طريق قنوات شرعية تحددها ادارة المنتدى
واعتقد ان الفكرة لو نجحت بإذن الله ستكون مشروع الخير الذى سيشغل فراغ الكثيرين ممن يمتلكون اوقات لا يعرفون كيف يستغلونها


اخى العزيز فارس :)

بارك الله فيك وجزاك كل خير
فعلا معاك حق وفكرتك دى جميله جدا بعض الاخوه الموجودين فى دول مختلفه يستطيعون مساعده اخواتهم بالمنتدى :114: يارب الموضع يلقى اهميه من اداره المنتدى( من من يستطيعوا اتخاز القرار ويشاركونا الرأى

[إسلام شمس الدين]

الفكرة بالطبع نبيلة ، و كم هو جميل أن يمد الجميع يد المساعدة لبعضهم البعض
و لكن من الصعب أن تتبنى إدارة المنتدى تنفيذ الفكرة أو تحمل مسئوليتها ، نظرأ لطبيعة النت و عدم إمكانية وجود رقابة كافية تضمن الجدية و المصداقية فيما يتم من تعاملات أو اتصالات .

لذا فسيكون من الأنسب أن يتم تنفيذ الفكرة بشكل ودي بين الأعضاء خارج إطار إدارة المنتدى و دون أن تتحمل الإدارة أي مسئولية عن أي نتائج أو آثار . مع التزامها بتقديم العون للجميع بشكل ودي و بقدر الإمكان .

أطيب التحية للجميع على هذه المشاعر النبيلة :)
إسلام شمس الدين

[bara2a]

كاتب الرسالة الأصلية : إسلام شمس الدين


و لكن من الصعب أن تتبنى إدارة المنتدى تنفيذ الفكرة أو تحمل مسئوليتها ، نظرأ لطبيعة النت و عدم إمكانية وجود رقابة كافية تضمن الجدية و المصداقية فيما يتم من تعاملات أو اتصالات .



الاخ الكريم اسلام :)

كلامك منطقى وسليم ولكن كنت اقصد ان الاداره تقوم بتصميم القاعه ومن الطبيعى انها غير مسئوله عن صحه ما يكتبه الاعضاء فى هذه القاعه
ومن الممكن ان يكتب عباره تدل على هذا المعنى فى رأس كل رساله تكتب بواسطه الاعضاء
ارجو الرد وجزاكم الله خيرا

[ابن البلد]

في الحقيقه يا براءه هي فكرة حلوة
احنا ممكن نقوم بها ولو بشكل بسيط في البدايه
ولكن كما ذكر الأخ اسلام ان المنتدي لن يكون مسئولا عما يحدث من خلال هذه القاعة :)

ولك كل التحيه علي إهتمامك :)

[أدهم صبري]

الموضوع فعلا هيكون مفيد للجميع وبلأخص ان هناك بعض الأعضاء في بلدان مختلفة من العالم العربي وفرص نجاحة كبيرة ما دام لوجة الله تعالى

طبعا لازم ابن البلد يخلي طرف المنتدى عن اما يحدث داخل هذة القاعة

بس هو اتأخر المرة دة شوية

[bara2a]

كاتب الرسالة الأصلية : ابن البلد
في الحقيقه يا براءه هي فكرة حلوة
احنا ممكن نقوم بها ولو بشكل بسيط في البدايه
ولكن كما ذكر الأخ اسلام ان المنتدي لن يكون مسئولا عما يحدث من خلال هذه القاعة :)


اشكرك اخى الكريم ابن البلد
الحمد لله ان الفكره عجبتك وطبعا ليك دور كبير بما انك المشرف العام
احنا فى انتظار البدايه :)
وفقك الله

[bara2a]

كاتب الرسالة الأصلية : أدهم صبري
الموضوع فعلا هيكون مفيد للجميع وبلأخص ان هناك بعض الأعضاء في بلدان مختلفة من العالم العربي وفرص نجاحة كبيرة ما دام لوجة الله تعالى

معاك حق يا ادهم فعلا ممكن تكون فى افاده كبيره باذن الله من اعضاء كتير فى المنتدى يحبون الخير

وقال رسول الله صلى الله عليه وسلم
احب الناس الى الله انفعهم ، واحب الاعمال الى الله سرور تدخله على مسلم او تكشف عنه كربه ، او اتقضى عنه دينا ، او تطرد عنه جوعا ، ولان امشى مع اخى المسلم فى حاجه احب الى من ان اعتكف فى المسجد شهرا
وقال رسول الله صلى الله عليه وسلم
ان لله عبادا اختصهم بقضاء حوائج الناس حببهم فى الخير وحبب الخير اليهم هم الناجون يوم القيامه

[sherry]

فكرة جميلة تستحق التاييد


ملحوظة لا يشترك فى هذة القاعة اقل من 18 سنة ليكون مسئول عن نفسة


صح يا ابن البلد

انا كدة جبت الحل

[ابن البلد]

انت شاطر
خد خمسين قرش أهيي
:d

[bara2a]

شاطر يا شيرى كانت تايهه عن بالى
تستحق مكافاءه ابن البلد ;)
اشكرك على مرورك الطيب وتاييدك للموضوع
لك تحياتى :)

[shody20]

شيري....
انت عليك ربع جنيه...و أديك خت خمسين قرش...
أنا عايز الربع جنيه بتاعي.....


الأخت العزيزة براءة.... فكرة جميلة جداً.. يا رب تكون في ميزان حسناتك...


تحياتي....:)

[محمد فاروق]

ادارة المنتدى الاعزاء

الاعضاء الكرام

الموضوع الحالى هو نفس الموضوع الذى اضفته فى قاعة المناقشة تحت عنوان "ممكن تفيدنى"...

من الواضح ان هناك اكثر من عضو فى المنتدى يرى ضرورة وجود مساحة بالمنتدى لمساعدة الاعضاء بعضهم البعض.

وربما نتج هذا من رؤية الادارة الناجحة ...او العلاقة الطيبة بين الاعضاء ...او حسن نية العضو المقترح.

ولكن فى النهاية هناك صوت يلح على ان تكون هناك استفادة اكبر من هذا المنتدى الرائع ..

وصراحة الاخت براعة فصلت انواع المساعدة الى حد ما وهذا شئ طيب لتقريب الفكرة ...

انا مثلا طالع عينى مع عربيتى الجديدة ومش لاقى ميكانيكى كويس واصلا مش فاهم هيه تعبانه من ايه ...اسأل اصدقائى فى المنتدى ونشوف وطبعاً نتيجة الامر اتحملها وحدى وليس للمنتدى دخل بهذا ..ولكنه يكون اتاح لنا الفرصة لمساعدة بعضنا البعض..

ولنفرض احد الاعضاء عايز يشترى حاجة معينة ممكن يسأل قبل مايشتريها لو حد اشتراها قبله ومطلعتش حلوة يقول ويقول ايه الوحش اللى فيها ...

حد عايز يأجر شقة ..وهكذا

واخيراً المنتدى لن يكون مسؤل عن نتائج التعامل ...

شكراً لسعة الصدر..

ويارب نلاقى افادة ...ولو كانت بالرفض نعرف ليه عشان منفتحش الموضوع تانى ...

على فكرة مالقيتش بسنت فى الموضوع ..حاجة غريبة *14* *14*

أخوكم محمد *6* *8*

[محمد فاروق]

نسيت اقول حاجة مش شرط تكون المساعدة بيع وشراء ....

ممكن تكون المساعدة نصيحة او معلومة او ابداء رأى ...مش كله فلوس رايحة جاية احنا مش هاننشئ قاعة تجارة الكترونية احنا نعمل قاعة للمساعدة بصفة عامة..وانا مش فاضى للاشراف بالاضافة لانى مانفعش ... وعشان كده مليش مصلحة الا انى الاقى مساعدة من باقى الاعضاء..

وشكراً

[ابن البلد]

:)
والله يا مومان
احنا بنفكر أهوو في القاعات دي
شايفني وأنا بفكر
http://www.egyptsons.com/misr/images/smilies/050103think_prv.gif

[محمد فاروق]

ربنا يديك الصحة يا ابو يوسف

بس حاسب على نفسك من التفكير يعنى ماتركزش اوى ..احنا عايزينك برضة ..صحتك بالدنيا ياراجل هههههه

اخوك محمد

[ابن البلد]

أحلي حاجه ان كل التوقيعات بتاعتكم اللي هعاملها باولوو مش شغاله النهارده :d