سافر إلي أمريكا ! _._._ تجربة لدعم المنتدى _._._ الديك الرومي ؟؟ القصة الكاملة ليوم الشكر _._._ هل ترغب بالسفر إلي تركيا
إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث


المساعد الشخصي الرقمي

مشاهدة النسخة كاملة : 6 أكتوبر 2002

د. حورية البدرى
06-10-2002, 12:41 PM
" ابنك يقول لك يابطل هات لى نهار "
ابنك يقول لك يابطل هات لى انتصار "
ده مش كلام
غنوه وعدّت والسلام
لكنه كان أمل الولاد فى عز أيام الضلام
والضلمه غول اسود كبير
فارد اديه فوق البلد
والغول ؛ خرافه 00 مش بجد 00
الغول صنيعة ايد جبانه ونفس معدنها الخيانه
قدرت تمكّن شرّها فى سنة 48
وف حرب يونيو امّا استجار الرمل فى سينا بفرسانك يامصر ؛
امتى ح ترجع يابطل وتجيب نهار ؟
" ابنك يقول لك يابطل هات لى انتصار " 00
واتحقق الحلم الكبير
حلم العبور
حسنى مبارك والنسور
وجسور على وش القناه
وامّا اترفع علمك يامصر فوق أرضك الحرّه ؛
انكسر حلم الصهاينه فى اغتصاب أرض الكنانه
أو اغتصاب أرض العرب
م النيل وحتى نهر دجله والفرات !
يامصر ياام الأهرامات
وام القنال
وام الرجال اللى بتعرف امتى تتشد النبال
يامصر ياأم العبور
هدّى سواتر الضلال
ياام جمال وام السادات
وام البطل طيّار مبارك
ياأمنا
عاش اللى قال دى أرضنا
عاش اللى قال القدس برضه أرضنا
وحقنا
عاش اللى قال " اضرب " زمان
وعاش كمان ابنه اللى قال له يابطل هات لى انتصار
واليوم وقف عند الحدود يحمى الديار 00

00000 د0 حورية البدرى
د. حورية البدرى
06-10-2002, 01:26 PM
الجندى كان مصرى
واسمه كمان مصرى
صاد دبابات وكلاب حاربت عشان تسرق 00
امسك صاروخ عزّك
ياللى الشرف اسمك
واهجم مع الأبطال
حرر ربوع سينا
وارفع رايات النصر
مكتوب يكون لك قصر ياحر فى الجنّه
ماانت تمام عكسه
واحد لئيم خوّان
من حرب أكتوبر احتال وفر زمان
ولحد دلوقتى
مولود يكون نصّاب ، ومكانه فى جهنّم
انت - تمام - عكسه
اصطدت دبابات 00 ورفعت راس أمّه
واصطاد - قليل الأصل - بنت الجيران واختها
والعالمه والمجرمه تحت عامود النور
حتّى الأميره بدور ؛ اصطاد سنين عمرها
هاجمها بالارهاب
دمّر عليها الباب
قاطع طريق وجبان
عكسك تمام فعلا
مكتوب علينا نعيش ويّاك مع الخفافيش 00
اوعى تسيب مدفعك
علمنى أستعمله
واصطاد ذئاب الكون
ويّا الأفاعى الدون 00
المجتمع مليان
والمعركه لسّه
اوعى تسيب مدفعك فى مواجهة الخسّه
هد العدو ودمره
خلّى السلام ينطلق بالبشرى من قلبى
لمّا التقيك جنبى 00

------ د0 حورية البدرى
ابن مصر
06-10-2002, 10:55 PM
الف مبروكة بعيد النصر -- شكرا -horeyat
ابن مصر:)
د. حورية البدرى
10-10-2002, 12:28 PM
شكرا لك ابن مصر
ابن مصر
10-10-2002, 12:32 PM
د - حورية
انت فين --مختفية --فين
كلامك الحلوة واحشنا
اذا لنا عندك اي معزة
يا تقوللي اية اللي مزعلك منا --مني ؟
يا متغبيش عنا
اخيكي --ابن مصر
saroo02
10-10-2002, 01:11 PM
نصر أكتوبر المجيد كان حرب شرف وعزة وكرامة كان الانسان المصري يسترد شرفة وكرامتة فيها ولو نظرنا ايام أكتوبر المجيد نجد ان الشعب كان فاقد الثقة في القوات المسلحة في الحرب ولاكن إيمان الرجال باللة وإمانهم بالقضية الذين يدافعون عنها ذلك كان سبب في عون اللة لهم ونصرهم علي عدو اللة وعدو المسلمين ولو تم أخذ المبادئة مثلما حدث في أكتوبر والعرب إتحدوا هاجموا إسرائيل لهزموهم بإزن اللة :7:
د. حورية البدرى
15-10-2002, 09:38 PM
الأخ الفاضل / أحمد عبد المنصف

معك الحق فى ماتتمنى ونتمنى كلنا باذن الله أن يتحقق اتحاد العرب 00

لك شكرى

د0 حورية البدرى
saroo02
16-10-2002, 11:40 AM
اشكرك كثيرا علي الاهتمام بالرد علي كلامي وانا عندي فعلا إحساس إن لو توفرت الروح إلي كانت عندنا في ايام أكتوبر إن شاء اللة هيكون لينا اليد العليا بإذن اللة
د. حورية البدرى
22-12-2002, 04:53 PM
الفاضل / saroo02
معك حق
اللهم أصلح أحوالنا

لك تحياتى

د0 حورية

إسلاميات - معرض الصور - عيلة النجعاويه - سفر وسياحة - إنفلونزا الطيور - مدونات - الموبايل - المجلة - هريدي اورج - المصدر التعليمي - بريد مجاني - ألعاب فلاشية - قس سرعة النت - أركيد الألعاب - بحث