مشرفون بالانتخاب!!

[ميادة]

بسم الله الرحمن الرحيم

بداية أود تقديم خالص الشكر والتقدير لكل مشرفينا فهم بحق صورة مشرفة لمنتدانا, ولا يخفى على أحد ما يبذلونه من جهد وما يقدمونه من إبداع تعجز عن وصفه الكلمات.....

ثم أرجو أن تتسع صدوركم اقتراح جديد ألا وهو تعيين مشرفي المنتدى بالانتخاب سواء كانت هذه الانتخابات دورية أو عندما تدعو الحاجة والتي تحددها إدارة المنتدى...اعلم أنها فكرة يصعب تقبلها أو الاتفاق على صيغة لتنفيذها ولكن اسمحوا لي أن اعرض جانبا من مزاياها:

- هي تطبيق فعلى لمبدأ وشعار المنتدى "الحرية دون تجريح" وسيكون لمنتدانا السبق في ذلك مما يرفع من شأنه ومكانته.
- خلق حياة ديمقراطية كالتي نحلم بتحقيقها في واقعنا وطالما تعودنا منتدانا متنفثا للآراء الحرة.
- اعتقد أن شعور كل مشرف بثقة الأعضاء فيه وحبهم له سيزيد من حماسه ورغبته في العطاء.
- كذلك شعور كل عضو باحترام رأيه وبدوره في التقرير سيزيد من انتمائه وثقته في المنتدى.
- وأخيرا وليس آخرا غلق الباب أمام حالات الغضب المتكررة أو الإحراج نتيجة توجيه أو تعديل من قبل مشرف في موضوع ما حيث أن صاحب هذا الموضوع هو ممن أعطى له الحق في ذلك عن طيب خاطر.

بالطبع أتخيل الأمر خاضعا لكثير من الضوابط الحازمة ,كما أتخيل قائمة من الشروط يجب توفرها في كل مرشح سيكون كل عضو في المنتدى هو واضعها إن وجدت الفكرة لديكم شيء من الاستحسان –بإذن الله تعالى- أما الآن فأنا في انتظار آراءكم وتعليقاتكم......

أسعد الله أوقاتكم جميعا بكل خير وإلى لقاء

[ابن البلد]

تعيين المشرفين بالإنتخاب :D
طيب وأنتي معاكي بطاقه انتخابيه :)

والله يا مياده
يؤسفني أقولك أن الموضوع ده بالفعل مرفوض من قبل
:)

لاسباب كتير
لو هنعقد نعد فيها مش هنخلص :)

بس اهمها مصداقيه المنتدي :)

ومش من صلاحيات أي عضو او مشرف اختيار المشرفين أو حتى ترشيحهم
لان ده بيتم عن طريق
المشرف العام فقط :)
وتحياتي للجميع
وأشكرك علي إهتمامك الدائم بشكل المنتدي :)

[محمد البنيان]

الاستاذة جرح الزمان
اقدم خالص التحية


لقد تعنبيت دخول هذا الطرح لما يملك
مضمون هادف مستقبل
و
عنوان جميل
و
كذلك معده الموضوع ايضا



لذلك استميح العذر منكي
أنني لا أجد متسع في الوقت الحالي للرد
لما يملك الطرح قوة في المضمون
وباذن الله أشارك لاحقا

اتمنى لك التوفيق دوما
امين


من محب لك

[العمدة]

الرائعة جرح الزمان :) كل التقدير لشخصك الجريء الرائع :)

أتفق معك في الرأي , بل أؤيده بشده للأسباب التالية ..

أولاً .. لو تم انتخاب المشرف من الأعضاء فلا شك أنه سيكون شيء لم يحدث من قبل

وتكون اللؤلؤة سبقت كل المنتديات في خطوة كهذه ..

الأمر الثاني .. سيكون المشرف مهضوم ومقبول من الأعضاء وبذلك يتحقق الإنسجام

التام بين الأعضاء والمشرف , ويتحقق الهدف , التواصل , الإبداع .

الأمر الثالث ... سيكون هناك تنافس وتنافس شريف بين الأ‘ضاء المرشحين لكل باب :)

لكن ممكن أن يكون الأمر علة نحو أخر .. المشرفين المتواجدين عشرة على عشرة :):):)

ممكن أن يتم ذلك للغرف التي تحتاج لمشرفين .. أو

يتم تنفيذها على باب واحد على سبيل التجربة .. ويقرر مجلس الإدارة إن كانت التجربة صالحة

من عدمه ... طبعاً لا يمكن تجاهل مجلس الإدارة أو تخطيه .. فلو كان معترض المجلس على

عضو من البداية لأسباب يراها .. هنا يكون الأمر محسوم ..

تلك هي وجهة نظري ..

والف مليون تحية لجرح الزمان :)

[محمد البنيان]

مع التحية والتقدير
الي سيادة المشرف العام

لابد أن تكون لنا شخصية مستقلة
في اتخاذ اي مشروع يهدف الي تطوير المنتدى
ولابد أن يكون لنا راي ومع كامل احترامي الي سعادتك
المشاركة في الراى واتخاذ القرار افضل

وماطرحت العزيزة جرح الزمان
الا من باب دفع عجلة المنتدى الي اعلى قمه
وهذا مانصبوا الية جميعا وهدفنا الحقيقي
ولايشكل اي خطر أو تضارب في الراي

فلنجعل من أنفسنا حرية لوفي المنتدى

ولي عودة للطرح .....

العمده
كلام صادق من رجل ناضج وعاقل

من محب لك

[ابن البلد]

أخي الكريم العمده
أذا تم تعيين المشرفين الآن بالإنتخاب

بعد فترة سيسجل 500 عضو جديد المفروض يكون لهم الحق في أنهم ينتخبوا مشرف جديد وممكن ميعجبهمش المشرف القديم ومش هتفرق معاهم كان المشرف اللي متعين كان منتخب او غير منتخب لان لم يكن لهم اي يد فيه
ثم لو تم نجاح أحد المشرفين عن طريق الإنتخاب ممكن يكون ذو شعبيه لدي الأعضاء لكن غير كفأ لتوي مهمه الإشراف
وبعدين ممكن واحد يشكك في أن ده نجح ازاي
وده ممكن يشكك في مصداقيه المنتدي
غير انه هيدخلنا في مشاكل واحزاب
ويتقلب المنتدي فرق
وميكونش فيه روح الموده والمحبه
لان هيكون فيه روح المنافسه ومش هتكون شريفه بكل الأحوال حتى ولو كان الموضوع تافه :)

ثم أن موضوع الإنتخاب بحيث تكون اللؤلؤة سابقه غيرها في الموضوع ده فالموضوع ده أتعمل قبل كده في كذا منتدي مثل رحال وجيو مصر
والحمد لله أن أحنا سابقين المنتديات كلها بحبنا لبعض ولو بينا خلفات بتنحل بصورة سهله :)
وباتت التجربه عندهم فاشله وذلك بالفعل لعدم كافاءت المرشحين

وبعدين مش كل اللي بيحبوه الأعضاء ينفع في الإشراف ;)
ناس كتير بتحب ليلة القدر ؟؟ ;)
وناس كتير بتكرهني :d
يعني الموضوع هيش في حب وكره ومش مين يصلح ومين لا يصلح
ولسه فيه أسباب تانيه :D
بس كفايا دول :)


يالهوي هو أنا ناقص احزاب مش كفايا اللي موجودين :p

[ابن البلد]

حبيب قلبي البنيان
انت شايف كده
علشان مش جوه في الادارة
لكن مع تجربه دامت سنه وأربع شهور
تبين أن الغختلاف في الأراء يفسد القضية
وبيأدي إلي خناقات وكلام علي الفاضي والميلان

يمكن بره في القاعات العاديه عادي الأراء متاحه :)
لاي حد
وعلشان كده أنا لسه سايب الموضوع مفتوح

لكن هو منتهي ومن فترة :) والحمد لله انه منتهي :)
لكن أهو بنسمع الأراء يمكن نستفيد حاجه جديدة :)

[العمدة]

كاتب الرسالة الأصلية : ابن البلد
لكن هو منتهي ومن فترة :) والحمد لله انه منتهي :)
لكن أهو بنسمع الأراء يمكن نستفيد حاجه جديدة :)

:D

[ابن البلد]

كاتب الرسالة الأصلية : العمدة
:D



6- الاحترام المتبادل بين الأعضاء هو الإطار الصحيح الذي نتحاور من خلاله ، لذا يجب احترام آراء الآخرين وعدم الاستخفاف بها أو تسفيهها ، أو الاستهزاء بالأعضاء وآرائهم . (http://www.egyptsons.com/misr/law.php):3:

[Mrs. Virgo]

انا معاكي يا جرح الزمن ..
وبشجع جدا موضوعك وفكرتك :)


بس انا مع ابن البلد كمان :(
بس ابن البلد ممكن يحط كام قانون كده ..
وشروط لأنتخاب المشرفين ..
مثلا منهم ..

انه يكون مشترك من اكثر من 6 شهور مثلا ..
مشاركاته تعدت ال 500 ..
انه يكون معروف لأغلب الاعضاء ..
انه ياخد تصويت اكثر من 70%
والفكره الأحسن والأحسن يا ابن البلد ..
ياالي على طول معارض ..
اننا لما نعمل الترشيح او التصويت ده ..
نبقى نحدد احنا الاشخاص اللي ينقي منهم
الاعضاء المشرفين ..
وبكده يبقى انت الي نقيت المشرفين ..
وهما الي انتخبوه ..

حلو الكلام ولا لأ !!! :)

[محمد البنيان]

الاستاذة لميس :)
تحية طيبة من مهبط الوحي

رد ممتاز
ويمتاز بعقلانية مميزة

ولي عوده لاحقا


أحزاب مين :1: ابن البلد ؟
دا حزب واحدة وكمان
حزب وداد قلبي

الانسه
جرح الزمان
ممتاز ..:). استمري ..:cool:

من محب لك

[العمدة]

كاتب الرسالة الأصلية : ابن البلد
6- الاحترام المتبادل بين الأعضاء هو الإطار الصحيح الذي نتحاور من خلاله ، لذا يجب احترام آراء الآخرين وعدم الاستخفاف بها أو تسفيهها ، أو الاستهزاء بالأعضاء وآرائهم . (http://www.egyptsons.com/misr/law.php):3:

وأين عدم احترام آراء الأخر هنا ؟؟؟

وأين الأستخفاف الذي تتحدث عنه ؟؟؟

وأين الأستهزاء بالأعضاء وآرائهم ؟؟؟؟

ومن أين أتيت بكل هذا ؟؟؟؟؟؟؟؟

أنت تقول أهو بنسمع آراء الأخرين ...... وأنا وضعت ابتسامه عريضة .. فكيف

لك أن تصور مداخلتي على أنها سخرية ؟؟؟

كيف ؟؟؟؟؟

[ابن البلد]

لميس لا ;)

أ/ البنيان
الأحزاب موجوده بس انت ركز معايا :4:


العمده باشااااااا :)
أيه يا عمونا الخناقه دي الصوت واصل أول باب المنتدي :)
بس قولي أنت فسرتها كده أزاي ؟؟؟:confused:

[محمد البنيان]

أنتي فين ياجرح الزمان ؟
تعالي
بسرعـــــــــــــ :cool: ـــــــــــــــــة


من محب لك

[te3mah]

فكرة جديرة بالنقاش
ولو اتعملت بشكل دوري يبقى الأعضاء الجداد ملهومش حجة إنهم يزعلوا
لإن هييجي يوم ينتخبوا فيه المشرف اللي هما عاوزينه
أؤيد الفكرة يا جرح الزمان :)

[ابن البلد]

طيب والمشرف القديم يا طعمه
نوديه فين لم الأعضاء الجداد اللي ميعرفهوش كونه كويس او لا يختاره واحد جديد ؟؟
من أجل فقط أختيار المشرف الغير موجود علي القاعة ؟؟ وليس لكفآة المشرف الجديد
[hr]

انا من راي نعمل بالمرة يا جماعة من المشرفين المنتخبين ننتخب واحد منهم يبقه مشرف عام المنتدي :d
ولو معجبناش نعمل إنقلاب عن طريق الجيش علي الشرطة ونغيره أو نشوف كل مشرف من المشرفين المنتخبين هيعرض علينا أيه
ومش بعيد يطلع علينا واحد منهم يعرض علي أعضاء المنتدي السماح والبوح بالتجريح والغلط في الأديان والدول
ومش بعيد واحد تاني يعرض عليهم عمل قاعه عند تعينه خاصه بالامور الجنسيه لتعليمها ماهي برضك علم وربنا يتوب علينا بقه من العلوم :rolleyes:



أو نستعين بأحدي المنتديات المعاديه للتخلص من المشرفين المنتخبين والمشرف العام :D المنتخب



يالهوي


بس برضك أقول أن حاجات حلوة كتير بتحصل لما نعرض فكرة جديدة وكلنا نأيدها من أجل انها جديده مش اكتر :)

:( وبعيونه دمعه أمسحها بأيديك لما تجي لي تاني تاني تاني من بلد الغريب :(
اللهم أشفني وأهدي لي بالي يا رب العالمين

[محمد البنيان]

تعاد مع الشكر إلي الأستاذ ابن البلد
إن الهدف الذي ضمن الطرح هو رأي فقط لأغير
حيث رأت الزميلة جرح الزمان
نوع من أنواع التطوير للمنتدى
من باب ترشيح أعضاء ليصبحو فيما بعد مشرفين

على العموم
ليس الأمر بالرفض أو القبول
ولاكن كأن الأجدى التشجيع لهذه ألفكره
وأنا هنا ليس الا تدعيم لما طرحت الا نسة معده الطرح

وسياتك قال إن الأمر مرفوض وترشيح المشرفين من صالح
ا المشرف العام فقط

فأين الإدارة إذا ؟

أولا :

نحن نعلم أنه ليس الأمر بالسهل في
عملية الترشيح
وفي نفس الوقت هناك حلول كثيرة تضمن عملية الترشيح
حتى لو كانت سرية
والبعد كل البعد عن الصداقة في ذلك
ولننظر بعين ثاقبة تستطيع أن ترى العضو المميز
الذي يملك حس صادق وتواجد دائم ومشاركة فعالة
وطرح جيد مفيد ومحبوب لدى الآخرين
من خلال ما ذكر من عناصر
ولابد من وجود تقيم لذلك وعمل جدول أو استبيان

إن هذه من بعض العناصر
التي لابد أن تتوفر في المشرف المرشح
بعيدا عن الواسطة والأصوات والصحبة

ثانيا :
على الإدارة في حالة ترشيح مشرف جديد علية الاختيار من قبلها
ومن تما تضع الأسماء المختارة في قائمة وتبعث بها إلي الأعضاء المتواجدين دوما
واللذين يملكون ثقة الإدارة وتتم عملية التصويت
بعد ذلك تنشر الأسماء والمباركة لهم أو لهن بالتعين
بعد أتمام عملية التصويت،

ثالثا:
وبما هناك عناصر لم تذكر يمكن من خلالها إيجاد مشرف مميز

رابعا:
أرجوان تكون هذه الكلمات ضمن دراسة الموضوع


من زاوية أخرى
بيني وبينك
أستاذ احمد صلاح
اعلم والله مدى حرصك واجتهادك الواضح والملموس
على وضع حلول للدفع بالمنتدى إلي أعلى قمة
وهذا لا يتأتى الا بجهودنا جميعا
لنضع أيدينا مع بعض بكل صدق لخلق روح محبه للمنتدى
والوصول به الي أول الطريق

وكلنا في المنتدى من أعضاء
نعلم مدى الجهود الجبارة التي تبذل من خلف الكواليس
ولاكن هذا حقنا في ذلك


قبل الأخير
أنت مشرف عام يحق لك
ولك الصلاحية المطلقة في ذلك
وأعتقد أنك ترى بعين أخرى وأوسع منى
ولك حرية الاختيار

وأخيرا
ثق تماما أنني اعلم جيد من هو ابن البلد؟
الرجل المنصف لمعده الطرح ومضمونه
وتقبل خالص تحياتي

من محب لك

[أشرف المجاهد]

بسم الله الرحمن الرحيم

والله يا جماعة فكرة حلووو:)ووووة

:176: :176:

وده يكون بشرووو:)وووط يا أحمد وفى النهاية يرجع الأمر للأعضاء

وباختيار الأعضاء أنفسهم ويكون عن طريق العضو لنفسه وعمل الدعاية له :4::5:

وطبعا هيتم اختيار العضو المتميز جدا اللى هيضيف للمنتدى ومن له القدرة على العطاء

وليه يا أحمد ما نجرب تلك الفكرة ...

ياريت توضح مساوىء تلك الفكرة فى نقاط محددة من غير تريقة يعنىىىىى :p

:176: :176:

.

[sherry]

فكرة جميلة جدا


طرحتها من قبل بشكل غير رسمى


ولا ارى مانع فى رايى من تنفيذها ولو على مستوى الاعضاء فيما بينهم بشكل
صورى


اى العضو الى يتم انتخابة يكون معروف بين الاعضاء بمثابة عضو مكرم نتيجة اسهاماتة البنائة

بالتاكيد لا احد ينكر الجهود الجبارة التى يبذلها مشرفى المنتدى ولا نرى هذا الموضوع يمسهم بسوء

اخى ابن البلد




لا ارى الموضوع يحتاج احزاب او مصداقية احنا مش فى مجلس الشعب؟


اعذرنى تسرعت فى الرد بصفتك مشرف لا بصفتك مشارك بالراى

كما لو كان الامر موجة لك شخصيا

صدقنى لا احد يطمع فى نيل شرف الاشراف على المنتدى

وستكون النتيجة المضحكة ان الترشيحات لن تخرج عن الاعضاء الحالين
لان الجميع يلمس مشاركاتهم واراءهم الحكيمة

ولكن الانسان بطبعة لا يحب ان
يفرض علية شىء حتى وان كان بيحب هذا الشىء
فهى مجرد فرصة للاحساس بحرية الاختيار

(هوا دة الانسان لوحبيت تقتلة ينازعك ويحاول يقضى عليك قبل ما تقضى علية ويسيبك ويروح ينتحر بايدية) مثال ماساوى؟


وبالطبع ان دخل الموضوع فى طور المجاملات سيكون هذا واضح للجميع

ولا اعتقد ان شخص يجتمع علية اغلبية او نسبة معينة من الاعضاء سيكون مجاملة
وان كان كذلك

فهذا ايضا دليل على حب الاعضاء لهذا العضو
هذا وسام اعظم من اى شىء

ثم كام عضو يرتبط باخر بشكل شخصى


اكيد قليلين لن يكون لهم تاثير فعلى


الانتخاب سيكون فى موضوع معين واضح للجميع واكثر شفلفية فالكل يرى مشاركة الاخر ويستطيع معرفة

النتيجة مباشرة

ولا مجال للتغير كباقى الانتخابات

فهل نحرم من مجرد التجربة خوفا من الفشل والقيل والقال


الموضوع فية كلام كتير

واتمنى مشاركة المشرفين بارائهم الشخصية لا بصفتهم الاشرافية

واعتقد ان قوام ونجاح هذا المنتدى قائم على حرية الراى

اقولكم حاجة ظريفة نفس الموضوع كان تحت عنوان من ترشح مش لاقى لة اثر

على الرغم من ان كان علية ردود مش عارف وقع و لا حد داس علية من غير ما ياخد بالة ولا راح يشارك فى منتدى تانى

كلمة اخيرة

انا شخصيا استسنى نفسى من اى ترشيح او انتخاب

[sherry]

مقتبس من ابن البلد

طيب والمشرف القديم يا طعمه


نوديه فين لم الأعضاء الجداد اللي ميعرفهوش كونه كويس او لا يختاره واحد جديد ؟؟
من أجل فقط أختيار المشرف الغير موجود علي القاعة ؟؟ وليس لكفآة المشرف الجديد



--------------------------------------------------------------------------------


انا من راي نعمل بالمرة يا جماعة من المشرفين المنتخبين ننتخب واحد منهم يبقه مشرف عام المنتدي
ولو معجبناش نعمل إنقلاب عن طريق الجيش علي الشرطة ونغيره أو نشوف كل مشرف من المشرفين المنتخبين هيعرض علينا أيه
ومش بعيد يطلع علينا واحد منهم يعرض علي أعضاء المنتدي السماح والبوح بالتجريح والغلط في الأديان والدول
ومش بعيد واحد تاني يعرض عليهم عمل قاعه عند تعينه خاصه بالامور الجنسيه لتعليمها ماهي برضك علم وربنا يتوب علينا بقه من العلوم



أو نستعين بأحدي المنتديات المعاديه للتخلص من المشرفين المنتخبين والمشرف العام المنتخب



يالهوي


بس برضك أقول أن حاجات حلوة كتير بتحصل لما نعرض فكرة جديدة وكلنا نأيدها من أجل انها جديده مش اكتر

وبعيونه دمعه أسمحها بأيديك لما تجي لي تاني تاني تاني من بلد الغريب
اللهم أشفني وأهدي لي بالي يا رب العالمين





اعتقد لا يوجد بيننا من يسمح بهذا او يتفاعل معاة


كما لو كان ننحن نود ذلك والمشرفين الى مانعينا

ثم ان اراد شخص فعل شىء لنتستطيع منعة الا بعد ان يكون ترك اثر فى نفوس الاعضاء

وهذا ما حدث بالفعل فى القاعة الرياضية

وتفضلت مشكورا بمعالجة الامر بعدما كان

التمس منك لاول مرة للاسف مناقشة غير موضوعية
قد تصل لحد الاساءة

واسف لصراحتى

[sherry]

توضيح كلامى فى الرسالة السابقة من اول
اعتقد لا يوجد بيننا من يسمح بهذا او يتفاعل معاة


كما لو كان ننحن نود ذلك والمشرفين الى مانعينا

ثم ان اراد شخص فعل شىء لنتستطيع منعة الا بعد ان يكون ترك اثر فى نفوس الاعضاء

وهذا ما حدث بالفعل فى القاعة الرياضية

وتفضلت مشكورا بمعالجة الامر بعدما كان

التمس منك لاول مرة للاسف مناقشة غير موضوعية
قد تصل لحد الاساءة

واسف لصراحتى


__________________

[محمد البنيان]

المره الثانية
اين انتى يامعده الطرح ؟

من محب لك

[ابن البلد]

البنيان
الإدارة
أول مكتب عل أيدك اليمين هتلاقيها


كوكب راجع ظأنت بس ردودي بعين الجديه لا بعين أني بتريق وأنت هتلاقي العيوب



شيري
لو بصيت بعين المشرف لكنت قفلت الموضوع من البدايه وريحت دماغي بدل ما ندخل في مهاترات وكلام وتحيليلات
لكن أنا باصص للموضع بعين تواجدي في المنتدي منذ إنشاءة ودرايه بالأعضاء واللي بيحصل منها ودرايه بما يحدث خلف كواليس المنتدي في الأدارة
والأشياء خارج المنتدي والتي تؤثر بالسلب علي المنتدي

بالنسبه أن يوجد بيننا من يسمح بهذا

لا وحياتك يا شيري فيه كتير يتمنوا تيجي الفرصه وهتلاقيهم هاتك يا هرك ويا دعك في الشتايم والتجريح
وده لان ناس كتير بتكلمني يا شيري علشان أعمل قاعه للتنفيس عن الأعضاء أو تحرير قاعة السياسة من بعض الشروط
علشان الأعضاء تاخد راحتهم ولان ده هيعمل رواج أكتر للمنتدي
ولان فيه مواقع كتيرة سامحه بكده ومفيهاش مشكلة

ومن سنه تقريبا كان فيه مشرف علي قاعة الكمبيوتر وبعد تعيينه مشرف نزل مواضيع جنسيه بالمنتدي للبحث عن شريك

ومن أقل من سنه احد الاعضاء الكرام نزل مواضيع فيها حوار شات مع أحد الأشخاص المصريين بالصور وقمنا بحذفه

يعني يا شيري مبصيتش بعين المشرف الديكتاتوري
ولكن بصيت بعين واحد اكلت كراسي الكمبيوتر والنت كافيه بناطيله :D
واحد أشترك في المنتدي وجرب فيه نص التجارب ولغينا وحطينا وشيلنا وجينا ورحنا وما هدينا ولا رسينا

وتحياتي لك
وربنا يستر علي اللي جي :)

وفي إنتظار المزيد من الحوارات والأراء وإن اختفت صاحبة الرأي :) ومحمد البنيان دايخ عليها

[ميادة]

بسم الله الرحمن الرحيم

اقدم عميييييق اعتذارى عن التأخير بسبب الدراسة والامتحانات :6:
واسألكم الدعاء
والحمد لله ان الفكرة وجدت القبول وتم مناقشتها :)ولو لم تنفذ لانى اعتقد _والله اعلم _ان فى مثل هذه المناقشات اثراء للمنتدى
كما اعتذر لعدم تمكنى من قراءة الردود الآن لكنى واثقة انى سأجد فيها كل الخير ويكفينى ان يشاركنى بالرأى الاعزاء:
ابن البلد _اجمل مشرف عام ف الدنيا :)
العمدة..محمد البنيان ..فيرجو ..طعمة.. كوكب وشيرى


تحية لكل من شارك

ولى عودة ان شاء الله على رأى ناس;)

[محمد البنيان]

تعاد مع الشكر الي
المشرف العام ابن البلد

أنا فعلا كنت دايخ على الزميلة جرح الزمان
من باب الاطمئنان عليها فقد لاغير

أما أنت تشارك في الموضوع
ومازالت تعوم مضمون الموضوع

الي اي مدى تريد الوصول به ؟

نريد جدية في الطرح


من محب لك

[بنت بس عسولة]

انا يا جماعة بصراحة اؤيد موضوع الانتخابات

بس مش شرط للمشرفين و بس
يعني ممكن نعمل انتخاب على اكثر عضو مميز ....اكثر موضوع مميز.....احلى موضوع....

و حاجات تانية
عشان موضوع المشرفين ده حساس شوية

و لا ايه رأيكم؟؟:)

[lina]

miss virgo

بس انا مع ابن البلد كمان
بس ابن البلد ممكن يحط كام قانون كده ..
وشروط لأنتخاب المشرفين ..
مثلا منهم ..

انه يكون مشترك من اكثر من 6 شهور مثلا ..
مشاركاته تعدت ال 500 ..
انه يكون معروف لأغلب الاعضاء ..
انه ياخد تصويت اكثر من 70%
والفكره الأحسن والأحسن يا ابن البلد ..
ياالي على طول معارض ..
اننا لما نعمل الترشيح او التصويت ده ..
نبقى نحدد احنا الاشخاص اللي ينقي منهم
الاعضاء المشرفين ..
وبكده يبقى انت الي نقيت المشرفين ..
وهما الي انتخبوه ..

حلو الكلام ولا لأ !!!

حلو الكلام يا ميسووو :)


بنت بس عسولة

انا يا جماعة بصراحة اؤيد موضوع الانتخابات

بس مش شرط للمشرفين و بس
يعني ممكن نعمل انتخاب على اكثر عضو مميز ....اكثر موضوع مميز.....احلى موضوع....

و حاجات تانية
عشان موضوع المشرفين ده حساس شوية

كلام سليم وفكرة حلوة يا بنت بس عسولة :)

جرح الزمان فكرة الانتخابات في حد زاتها حلوه ,, موضوع انها اتعملت في بعض المنتديات او لأ معنديش اي فكرة ولا عندي فكرة عن مدى نجاحها بس متهيألي المشرف العام اكتر واحد عارف نسبة نجاح الفكرة
عموما هو مفيش مشكلة لو كنا حنجرب
وفق الشروط اللي حطيتها لميس هتكون ممتازه :)

سلام
لينا

[من الاميل]

السلام عليكم
فى البداية انا لية راى يارت تسمعوة انا صحيح عضو جديد بس ممكن تسمحولى ان اشارك فى الراى
الانتخبات جميلة و مفيش حد يقدر يقول حاجة بس من الاجمل ان علشان اى حد يستحق هذا المنصب لازم يكون قدم للمنتدى الكثير
من افكار
من فن
من مجهود
من خبرتة
من علمة
متهيالى هو دة الى يستحق المنصب علشان المنتدى نضما انة هيفضل
كويس
و دة لمصلحت اى حد من اعضاء المنتدى
امتمنة راى دة ميكنش يزعل حد من الاخوة



شكرااا:)

[الحب النضار]

مش عارفه انا لسه ما كملتش شهر في المنتدى... بس لفت نظري الموضوع ده... من اكتر من اسبوع يمكن وبصراحة كنت متدردد اكتب راي فيه... لاني لسه جديدة زي ما قلت وكمان لاني مش عارفه اذا كنت ممن لهم الحق في ابداء رايهم في مثل هذه الامور ولا لا.. عموما انا حاغكتب الكلمتين اللي في نفسي... واذا كنت ماليش الحق فيهم فباعتذر... وعلى المشرفين انهم يحذفوا هذا الراي... اتفقنا...

دلوقتي.. الفكرة فعلا جميلة.. وبعدين يا ابن البلد يا ريسنا.. الكلام بعيد عنك وعن المشرفين الاساسين او الكبار... او ده راي.. يعني انت والمشرفين او المسؤلين الكبار ثابتين وخارج الانتخبات لانكم انتو كبار البيت او انتوا اصل الاسرة... انما الانتخبات حتقوم بينا (اعضاء المنتدى) بس انا بلاش لاني اساسا شارية دماغي من المسؤليات.. وكفاية على مسؤلية كلمتي اللي باشترك بها... ولسبب تاني حاوضحه في اخر كلامي.. على يكون مشرفين صغيرين او مساعدين للمشرفين ويبقوا هم برضه تحت اشارفكم بس حيكون مهمتهم اسهل وعددهم اكيد اقل... وطبعا لازم يشترط فيه الكفاءة والخبرة ومدة طويلة في المنتدى لاتقل عن سنتين او زي ما انتوا تشوفه بس كمان السنتين دول لازم يكون فيهم عدد من المشاركات تعادل بالتقريب المدة او الفترة اللي انتوا تحددها... وطبعا المنتخبين او الاشخاص اللي حيتم انتخابهم حيكونوا اساسا مختارين من قبل الادارة او المشرفين الكبار لانها مش عامه ومش الكل اللي حينتق عليه الكلام... بالنسبة لحق الانتخاب او مين اللي يقدر ينتخب لازم اكون قعدت في المنتدى فترة طيولة عشان اقدر اختار يعني انا مثلا بى لي شهر فم انافعش ادخل العملية... لازم على الاقل ست شهور او سنه بالقليل... وبرضه تقدر الادارة تضع قيودها او شروطها الاضافية وتعدل زي ما هي عايزة... وبعدين للادارة كمان مطلق الحرية في انها لو شافت ان هذا العضو او مساعد المشرف بيخالف قوانينها وشروطها انها ترفضه او تلغي مميزاته... واعتذر عن الاطالة وباعتذر مرة اخرى عن المداخلة اذا كانت غير مرغوبة

وشكرا

اختكم لامور



:85: :83: :85: :83: :85:
:132: :132:
:150:
:132: :132: :132:
:85: :83: :85:

[ميادة]

بسم الله ارحمن الرحيم

أخير خلصت الامتحانات وبعتذر مرة تانية عن التأخير بس طبعا الموضوع للمنتدى ولكل اعضائه بى او من غيرى المهم نطلع منه بفايدة

ولحين العودة كلمة للأعزاء:

البنيان: شكرا على دوام السؤال وربنا يحفظك لنا دايما أستاذ واخ عزيز

لينا: شكرا ع المرور ولى عودة

من الايميل: اهلا وسهلا بك بيننا ...شرفت

لامور: مشاركتك شرف لى ورأيك جدير بكل احترام


سعدت بمروروكم جميعا