ابن البلد يا ابن البلد.. تعالى شوف المنتدى الخربان بتاعك ده..

[جنان الفردوس]

ينفع كده يعني كل شوية يروح عاملي خروج لوحد ..
ايه بتطردوني يعني طب والله ما انا ماشية..
كل ما أجي أنزل رد يقولي أنت غير معرف..
اروح مسجلة وارجع عشان ارد يقولي انت غير معرف..
ليه كده..
وكل ما افتح صفحة جديدة لازم اسجل فيها والا مش هقدر ارد..
على فكرة انا كتتبت اكتر من عشرين رد في مواضيع مختلفة وهو مش راضي ينزل حاجة وانا اعصابي تعبت وكده حرام..
على فكرة بقى يكون في علمك يا ابن البلد لو ما صلحتش المنتدى الخربان ده..
عارف هعمل ايه..؟
ولا حاجة هستناك لحد ما تصلحه..
:5:
بس بسرعة والنبي عشان انا زهقت..
يا رب الموضوع ده ينزل عشان لو منزلش دمي هيتحرق ولو دمي اتحرق هكسر الكومبيوتر ولو كسرت الكومبيوتر هبات النهارده في الشارع عشان بابا هيطردني من البيت ولو بت في الشارع والدنيا برد هعيا ولو عييت هموت ..
وده طبعا اللي ابن البلد نفسه فيه..:5:

[lina]

:5::5::5::5:

احسن ,, عشان تحرمي تحدفيني بالبطيخ بعد كده ههههههههه

بعد الشر عليكي يا ايه :)

منتي بتكتبي زي الفل اهو ايه المشكله ؟ :)

سلام
لينا

[العمدة]

وأنا بقول جنان مش ظاهر لها ولا رد ليه :(

لآ أبو يوسف شوف حل :)

معلهش جنان تحملي شويه :)

[جنان الفردوس]

ما هو كل رد يقولي انت غير معرف..
اروح اعمل له كت واسجل اسمي تاني وادخل الموضوع واعمل بيست..
بس خلاص انا اعصابي تعبت انا قعدت ساعة عشان انزل الموضوع ده..
يالا نادوا على ابن البلد بأه عشان هو عامل نفسه مش سامع..

[lina]

:5: انتا فين يا ابن البلد


<<< فرحانه فيكي

مع ان جهازي بيخرف :p

سلام
لينا

[العمدة]

لسه المشكله :(

ولا اتحلت :)

[جنان الفردوس]

لا لسه بس مش زي الاول..
يعني أنا نزلت كام رد اهو ولسه مقاليش انت غير معرف..
بس الغريب انه نفسي انزل رد لطعمه اقول لها كل سنة وانت طيبة ..
نزلته عشر مرات يمكن وهو الرد الوحيد المعاند معايا ومش راضي ينزل اطلاقا..
حد يبقى يقول لها بالنيابة عني عشان انا تعبت..
وابن البلد بقى هو المسئول عن الردود اللي ضاعت مني عشان انا مش مستعدة اني اكتب الردود دي تاني..
الا صحيح هو ابن البلد راح فين..
هو هيسبني حايسة كده ويمشي..
:2:

[العمدة]

بسيطة .. تاخدي من أبن البلد كل الردود اللي ضاعت :)

الحق حق :) :) :)

[جنان الفردوس]

طيب اهم حاجة ان انتوا شاهدين على اللي حصل عشان لما ارفع قضية عليه تبقوا في صفي..
على العموم انا ماشية عشان انا تعبت وبكرة ان شاء الله نبقى نحل المشكلة دي مع ابن البلد..
ايه ده.. ده عمرو خالد بدأ..لا سلام باه..
:cool:

[العمدة]

أصلاً أبن البلد خد بعضه ومشي :)

بكره هايكون أحسن :)

[ابن البلد]

ابن البلد يا ابن البلد.. تعالى شوف المنتدى الخربان بتاعك ده

طالما منتداي و خربان يبقه من الأفضل متدخليش منتدي حد و كمان خربان
لكن لو شايفاه ان منتداكي ومنتدانا كلنا يببقه فيه كلام تاني
بالنسبه لمشكلتك دي
ممكن تكون بسبب أن سياتك بتدخلي عن طريق الهتميل والمشكلة دي أتكلمنا فيها وحلناها في موضوع أيه اللي مش عاجبك في المنتدي
ممكن كنت تشوفيه في نفس القاعة دي قبل ما تدخلي وتقولي خربان و عامل نفسك مش سامع و الكلام الجميل اللي قلتيه ده
وعلي فكرة زي ما قال العمده أنا أخدت بالي وروحت
بس علشان ملحقتش أكتب رد و كانت مواعيد ا لعمل أنتهت
وأديني دخلت من نت كافيه
علشان ألحق المنتدي بتاعي الخربان اللي بتقولي عليه ده

[بحر الإسكندرية]

أنا كانت عندي المشكلة دي قبل كده بس الحمد لله اتحلت معايا
أنا حلتها عن طريق اني عمل علامة صح على الاختيارات بتاعت الـCookies في التحكم و وصلات الربط بين الجهاز و المنتدى علشان يتعرف عليكي من غير متسجلي اسمك كل ما تدخلي و لو مش عايزة حد يدخل على اسمك ممكن لما تخلصي شغلك على النت تمسحي ملفات الـCookies دي من الجهاز عن طريق Right click بالماوس على Internet Explorer و Properties ( مش عارف حروفها صح و لا لأ :o) و بعد كده في General تضغطي على Delete Cookies .
دي اللي أنا بأعمله دلوقتي و الحمد لله كله تمام ;)

[بنت مصر]

جنان حبيبتي مش باينة خالص ازيك واخبارك ايه

شوفي يا ستي وما ستك الا انا
اما ان المشكلة زي ما قال لك عليها احمد وبحر
او انك تضغطي على اللينــــك دا (http://www.egyptsons.com/misr/showthread.php?threadid=10976&pagenumber=3)وتشوفي الشرح
بتاعي لزوزو وان شاء الله المشكلة تتحل


وكل سنة وانتي طيبة يا احلى جنان

بسنت

[ميادة]

بسم الله

هههههههه

وانا اقول فينك ياجميل من زمااااااان" اخو زوومان خخخخخخخ" قديمة
يللا حمدا لله ع السلامة نورتى بيتك ومنتداكى "مش بتاع ابن البلد خخخخخخخ"

ايه يا سيادة المشرف العام واخدها جد ليه بس
المنتدى الكويس بتاعنا طبعا والخربان بتاعك عادى يعنى ههههههه
هو احنا عندا كام ابن البلد يعنى عشان نطلع عينه

بحر الاسكندرية هنا
يا مرحبا يامرحبا
حمدا لله ع السلامة افتقدناك
وكل سنة وانت طيب

شكرا يا جنان ع الموضوع فادنى اوى ولو انى ماعنديش المشكله دى بس الاحتياط واجب
وشكرا لبسنت كمان

[ابن البلد]

صحيح يا مياده عندنا كام مشرف عام :rolleyes:

سته بس او يمكن خمسه مش فاكر :confused:

[lina]

مساء الفل عليكم :)

سلام
لينا

[جنان الضحية]

متزعلش نفسك يا ابن البلد..
المنتدى بتاعنا كلنا طبعا لكن لما تحصل مشكلة.....
بس أنا بأه عايزة اقولك على سر فظيع..
أن أنا مفتحتش من الهوت ميل زي ما انت قلت..
ولا فتحت من موقع تاني زي ما بسبوسة بتقول...
وفي لوحة التحكم أنا عامله الاختيار اللي محمد بيقول عليه...
يعني المشكلة مش من الحاجت اللي انتوا قلتوا عليها خالص..
وأنا بصراحة أعصابي تعبت لان دي عاشر مرة أنزل الرد ده .. وعاشر مرة أكتبه..
وبصراحة هو لو منزلش دلوقت انا هنتحر..
أنا ببقى قاعدة في المنتدى عادي وبعدين فجأة الاقيه راح عملي خروج مع نفسه..
ولما أجي أنزل رد يروح يقولي غير مسموح لك لانك غير معرف..
واأنا بعد ما أقعد ساعة اكتب الرد يروح بكل بساطة يضيع..
طب بزمتك لو انت مكاني كنت عملت ايه..
انا خلاص تعبت..


ده الرد اللي كتبته قبل ما اكتشف اني مش هقدر انزل اي حاجة غير لما اغير اسمي..
يا رب ينزل..
:2: :2:

[العمدة]

لالالا خلينا في جنان الفردوس :)

أجمل وأروع وأحلى :)

وكل مشكلة وليها حل :)

[جنان الضحية]

ابن البلد ..
أنا قاعدة من الساعة 9 والساعة دلوقت 10 وربع..
أنا ماليش دعوة أنا عايزة تعويض عن كل الردود اللي ضاعت عليا وكل لحظة اتحرق فيها دمي.. :2:
انتوا لازم تشوفوا حل في المشكلة دي لان انا معرفتش ادخل من يوم الاتنين..
ابن البلد .. أنا بتوسل اليك تصلح المشكلة دي.. مش انت المفروض انك بتفهم في الحاجات دي.. :2:
:2: :6: :2:

[lina]

ااااااااااااه

هههههههههههههههه
دلوقتي بس فهمت انتي ليه في لعبة الوشوش كنتي حاطه الوش ده >>> :mad:

ههههههههه معلش يا ايه ,, استنى لما نشوفلك الحل ,, متحرقيش دمك يا بنتي مش كده ,, ولا اقولك روحي ذاكري احسن لك :5:

مهو انا بيفصل عندي كل شويه ومشتكتش ولا عملت زيك كده هههههههه

خليكي كول على طول :75:

سلام
لينا

[بنت مصر]

هههههههههههه جنان الضحية

لو انا مكانك يبقى نمسك الجاني ونقطعه فتافيت:D
وطبعا مفيش جاني الا ابن البلد مش هو اللي
مسئول عن الامور الفنية وبعدين انا شايفة
ان دا مع سبق الاصرار لذا نطالب بالاعدام شنقا :mad:


بس يا جنان قولي لي راحت فين الفردوس؟؟

يعني فين اشتراكك التاني؟؟؟:eek:

[سمسمة]

احسن

:p:p:p:p:p

[lina]

فرحانه فيها يا سمسمة !!

متفرحيش اوي كده بكره يجيلك يوم خخخخخخخخخ :5:

سلام يا جنان الضحية هههههه ,, حسستيني زي متكون في جريمة قتل :19:

لينا

[ابن البلد]

جنان الضحية
أو ضحيه الداتا بيز
أو أي أسم جديد بيتكتب بيه
مش دي مشكلت المنتدي
لاني دخلت يا أ/ جنان ولقيت الإعدادات بتاعتك زي ماهي وسليمة ومفيهاش أي مشاكل
ممكن سياتك تتكرمي
بس وتعملي دليت لملفات الإنترنت والكوكيز
و تطفي الجهاز
وتسجلي خروج بأسمك ده
وتدخلي بالأسم التاني وتجربي ؟؟

[جنان الفردوس]

حاضر..
أنا عملت زي ما حضرتك قلت..
وهو بيشتغل كويس دلوقتي الحمد لله..
بس في مشكلة واحدة بس اني لما بفتح اكتر من صفحة بيعملي خروج في الاتنين..
بس مش مشكلة كده احسن من بلاش..
ألف شكر ليك يا ابن البلد..
انا عارفه اني تعبتك معايا..
جزاك الله خيرا..:)
..

وشكرا ليكم كلكلم ..
:)