لماذا تسجل بأكثر من أسم ؟

[العمدة]

أتصور أنني رأيت موضوع كهذا من قبل ولكن لاأعرف أين ولا لمن ... فعلاً لا أتذكر .

وبرغم أنني ألتمس بعض العذر لمن يسجل بأكثر من أسم ... ومنها .. في بداية

إي منتدى لاشك أن عدد الأعضاء يكون قليل جداً ومن هنا يسجل بعض الأعضاء بأكثر

من أسم كي يتم تفاعل بعض المواضيع وهكذا ..

لكن .. ما المبرر لأن يسجل عضو بأكثر من أسم .. يكون العضو رجل ويسجل بأسم امرأة

أو فتاة وتسجل بأسم رجل .. ويكون في كمبوديا ويسجل بأنه في أسبانيا !

ما رأيك في هذا الموضوع أخي العضو أختي العضو ؟

هل يليق فعل ذلك ؟ أم ماذا تسمى ذلك ؟

وقبل إي شيء أبدأ بنفسي .. فأنا لاأملك في اللؤلؤة إلا أسم واحد فقط وهو العمدة .

أتمنى رأيكم في هذا الموضوع مع تقديري واحترامي للجميع .

[Mrs. Virgo]

وانا Miss. Virgo

ولا تعليق على من يستخدم اسمين أو عشره .. لكل اسبابه :)

[العمدة]

مع تقديري للرد وتفضلك .. غير أن أنصاف الحلول في مثل هذا الموضوع

ليست مطلوبة :)

هل التسجيل بأسماء كثيرة وغريبة مطلوب ؟

هل أختلف معك فأسجل بأسم أخر وأقوم بالرد ؟؟


هو ده السبب ؟

[مصراوى]

السلام عليكم ورحمة الله
صباح الفل يا عمدة
بص ياسيدى
الموضوع ده كثر جدا فى المنتديات ( وحضرتك زميل منتدياتى ولافف زى حالاتى )
حتبص تلاقى ناس عماله تكلم نفسها طول اليوم
يكتب موضوع بإسم بعدين يدخل بأسم تانى ويرد
يا احسن كاتب فى الدنيا كلها يا فظيع يامريع يامجرم ايه ياواد الحلاوه دى بتجيب الكلام ده منين
انت فنان واديب ولعيب ومبدع ومتمرس ومتمكن مش ممكن انت كل حاجه حلوه فى الدنيا وانا قاعد اهو ودموعى على خدى مستنى كتاباتك
يخرج ويدخل بالاسم الاولانى
ويقول الحمد لله هذا من فضل ربى

وهكذا
قسم اخر جبان يدخل باسم يشتم بيه اللى بيخاف يواجههم لانه قزم امامهم
قسم أخر يدخل باسم البنات علشان اغراض سيئة
قسم أخر ليس له ثوابت فكريه ممسوخ بدون أفكار
فهو متدين وعلمانى ومتأمرك وناصرى وشيعى وسنى ودكتور ومهندس وعنده 55 سنه وساعات 20 سنه
قسم أخر يحاول إثارة قضايا وفتن طائفيه وعرقية
يدخل كمسلم ليسب النصارى
ثم كنصرانى ليسب المسلمين ويولعها ويمشى
قسم يهودى يدخل على انه كويتى يشتم المصريين ثم كمصرى ويشتم الكويتين ويولعها وبرضه يمشى

وتحياتى لك

[وادكول مش معقول]

عندك حق والله يا مصراوي ...


بس هو فيه حد فاضي للدرجة دي ...

ده الواحد بالعافية ومش ملاحق يبص علي كام موضوع ولا يرد علي تعليق من اللي اتحطوا في موضوعاته ..



بس بجد عندك حق

وبعدين اظن انه هنا ممكن يتعرف بسهولة قوي من رقم الاي بي بتاعه والمهمة دي بقه اظن علي ابن البد ربنا يعينه معانا


بس بجد انا مش شايف ان في منتدانا حد كده لان تقريبا الموجودين متواجدين باستمرا ر وبقوا معروفين الحمد لله

[Mrs. Virgo]

عمده يا احلى عمده :)

انت عارفني .. وانا عرفاك ..
وانا وانت عارفين كل الناس الطيبين
المحترمين في منتدانا هنا ..

عموما ..
رابط الموضوع الأساسي اهه .. وكان صحبه مصراوي :)

بصراحه .. هل تفعل هذا ؟ ولماذا ؟ (http://www.egyptsons.com/misr/showthread.php?s=&threadid=8310)

:o وكان ردي على الموضوع كده :o

كاتب الرسالة الأصلية : Miss. Virgo

بسم الله الرحمن الرحيم


انا عندي رأي غريب شويتين ..
معلش استحملوا بقى ..

انا في رأي ..
ورغم اني مستحيل اعمل حاجه زي كده
في المنتدى هنا أو اي منتدى ثاني ..

وبغض النظر عن انه "صاحب بالين كذاب" ..
وبغض النظر انه "من غشنا ليس منا"..

فالموضوع ده صحي جدا .. :5: :5: :5:

ازاي .. !! :confused:

اصل الواحد دايما جواه شخص مستخبي ..
شخصيه ثانيه تماما ..
طبعا بتختلف نسبتها مش شخص لأخر ..
الموضوع مش موضوع مرض .. او انفصام في الشخصيه ..

لأ .. ده الموضوع موضوع .. صراع نفسي داخلي ..

:o ده انا من كثر ما قرأت في كتب علم النفس زمان ..
:rolleyes: بقيت بشك اني انا مش انا :rolleyes:

لأ مش كده قوي يعني .. بس إلي فهمته ..
ان ساعات الواحد بيحب يكون حاجه تحبها الناس كلها وتحترمها ..
بس هو نفسه مع نفسه .. عايز يكون براحته ..
يعمل إلي هو نفسه فيه .. حتى لو غلط ..


وده مش غلط ........ ولا عيب ولا حرام ..
طالما الواحد لم يخرج في كل الأحوال عن حدود الدين والأدب..

يعني قصدي .. مش شرط الموضوع ده ينطبق على الأشخاص
إلي بيخبوا صفاتهم السيئه بس ..

لأ بالعكس .. انا بحس اليومين دول ..
المتدينين زياده عن الحد .. أو الزاهدين في الدنيا بجد ..
مش عايزه اقول المتشددين علشان بتتفهم غلط ..

هما الناس إلي بيداروا تدينهم وايمانهم وورعهم وخوفهم من ربنا الزائد ..
وبيحاولوا يظهروا بصورة انسان (اقل تدين) او فري شويتين ..

علشان الناس مش تمل من وجودهم وحديثهم وصداقتهم ..

مش عارفه .. يمكن ردي يخليكم تحسوا اني خرجت عن الموضوع ..
بس ما ظنش ..

يمكن اقدر اختصر الكلام ده كله في المثل إلي بيقول
(كل إلي يعجبك .. وألبس إلي يعجب الناس)

يا ريت اكون وصلت إلي انا عايزه اقوله .. :3:

وشكرا فعلا يا مصراوي على الموضوع المهم ده :)

:rolleyes: عارفه ان الرد ده مش بقى انصاف ..
بقى ارباع واخماس واسداس .. :rolleyes:

انت اقرأ كده وقولي فهمت ايه مني !

[العمدة]

لم تترك لي كلمة أضيفها :)

فعلاً أصبت أخي الغالي ..

وأنا الحقيقة من أكثر الأشياء التي تضايقني هو دخول عضو ليستخدم

السب أو الشتيمة أو أفعال ليست محترمة ..

على الشخص أن يكون شجاع حتى لو كان وقح ..

أخي الغالي تحياتي واحترامي لك .

[العمدة]

شكراً وادكوووول على المداخلة اللي مفروض يرد فيها مصراوي :)


تحياتي :)

[العمدة]

يالميس مش كنتِ تنسخي الرد بتاعك ده ومن الأول :) :4:

تسلم إيدك وعقلك وتسلمِ كلك :)

كلام في الجون :)


شكراً لميس طول عمرك ميس مجدع :) :D

[بنت مصر]

انا وابن البلد اول ما عملنا المنتدى
كنا مشتركين باكتر من اسم وكنا
نكتب انا وهو ونرد على نفسنا :5:
اصل ماكنش في حد لسة يعرف المنتدى خالص

دلوقتي الحمد لله ربنا يزيد ويبارك بقينا 55555555 والنهاردة الخميس


وشكرا يا عمدة على الموضوع الجميل دا


بسنت

[العمدة]

تحياتي بسنت .

وخمسة وخميسة من عندي :) والحمد لله وربنا يذيد ويبارك :)

أتفهم ماقلتيه ولو أنني ذكرت ذلك ولا إي عيب في ذلك :)

وحتى اليوم لو عضو سجل بأسم أخر وفي الخير ..... لا نقول إلا جزاه الله كل خير :)

أن يدخل عضو بتسجيل أسم أخر لعمل مداخلات ليست ذات قيمة .. أو لتفعيل مواضيعه هو

بشكل أناني .... أو وضع صور مخلة ..... أو مواضيع لا تليق بأخواتنا هنا ......

أو سب أو شتيمة لآنه لايجرأ بالقول بأسمه المعروف ... هذا سبب كتابتي للموضوع وبس .

شكراً للمداخلة وحبيت أوضح هذه النقاط ولكم كل التقدير .

[جنان الفردوس]

بريئة يا بيه..
معملتش كده ومش هعمل..

[العمدة]

:5::5::5:

جنان وأنتِ جنان :)

الف تحية لتزيينك الموضوع :)

[سمسمة]

ناس بايخة ياعمدة هنعملها ايه هههههههههههه

يمكن يكون ضعف فغى شخصيتهم ومش واثقين من نفسهم وهيموتوا ويجرى لهم حاجة لو محدش رد على موضوع لهم
او يمكن يكون ادمان المضايقة فى الناس

اهيه غلاسة وخلاص

:):):):)

البروف سمسمة..:112:

[sherry]

توضيح واجب انا اسمى الاصلى شيرى بدون تريقة

و مش فارقة معايا نها ئيا
لذلك اصر على ذكرة على الرغم اللبس والمشاكل الى مسببها


ام بالنسبة للاسمين انا عملتها مرة على icq لكشف كدب صديق اعطانى بيانات غلط عن نفسة


برغم انى عارفة فدخلت باسمين فى نفس الوقت ورفتة انة كداب

[العمدة]

سمسمة البروف :)

يكفي أنهم غلساء :)

الغلاسة وحدها لاتكفي هههههههه :)

شكراً سمسمة لمرورك المبهج كعادتك :)

[العمدة]

كاتب الرسالة الأصلية : sherry
توضيح واجب انا اسمى الاصلى شيرى بدون تريقة

و مش فارقة معايا نها ئيا
لذلك اصر على ذكرة على الرغم اللبس والمشاكل الى مسببها


ام بالنسبة للاسمين انا عملتها مرة على icq لكشف كدب صديق اعطانى بيانات غلط عن نفسة


برغم انى عارفة فدخلت باسمين فى نفس الوقت ورفتة انة كداب

العزيز شيري مرحباً بك .

أن تعترف بأن هناك خطأ ما حدث .. هذا دليل على نقاء سريرتك .. المشكلة

تكمن في استمرارية الخداع .... لك تحية وتقدير ..

وأهلاً بك .

[بنت شهريار]

للرررررررررررررررررررفع
يالا اعترفوااااااااااااااااااااااااا
عندك كام اسم ياللى بعدددددددددددددددددددى ؟؟؟

[السماوي]

الموضوع ده كثر جدا فى المنتديات ( وحضرتك زميل منتدياتى ولافف زى حالاتى )
حتبص تلاقى ناس عماله تكلم نفسها طول اليوم
يكتب موضوع بإسم بعدين يدخل بأسم تانى ويرد
يا احسن كاتب فى الدنيا كلها يا فظيع يامريع يامجرم ايه ياواد الحلاوه دى بتجيب الكلام ده منين
انت فنان واديب ولعيب ومبدع ومتمرس ومتمكن مش ممكن انت كل حاجه حلوه فى الدنيا وانا قاعد اهو ودموعى على خدى مستنى كتاباتك
يخرج ويدخل بالاسم الاولانى
ويقول الحمد لله هذا من فضل ربى
يا احسن كاتب فى الدنيا كلها يا فظيع يامريع يامجرم ايه ياواد الحلاوه دى بتجيب الكلام ده منين
انت فنان واديب ولعيب ومبدع ومتمرس ومتمكن مش ممكن انت كل حاجه حلوه فى الدنيا وانا قاعد اهو ودموعى على خدى مستنى كتاباتك

هههههههههههههههههههههههههه

مجربتش الحكاية دي بس تصدق فكرة هههههههه

قسم اخر جبان يدخل باسم يشتم بيه اللى بيخاف يواجههم لانه قزم امامهم
قسم أخر يدخل باسم البنات علشان اغراض سيئة
قسم أخر ليس له ثوابت فكريه ممسوخ بدون أفكار
فهو متدين وعلمانى ومتأمرك وناصرى وشيعى وسنى ودكتور ومهندس وعنده 55 سنه وساعات 20 سنه
قسم أخر يحاول إثارة قضايا وفتن طائفيه وعرقية
يدخل كمسلم ليسب النصارى
ثم كنصرانى ليسب المسلمين ويولعها ويمشى
قسم يهودى يدخل على انه كويتى يشتم المصريين ثم كمصرى ويشتم الكويتين ويولعها وبرضه يمشى
ده بيبقى بردان وعاوز يولعها نار علشان يتدفى عليها هههههههه :xmas3:

بس مش شرط يكون التسجيل بإسم تاني يكون كله شررررر :xmas29: ممكن يكون خير ومجرد نيولوك :xmas4: