المساعد الشخصي الرقمي

مشاهدة النسخة كاملة : فوق سطر الغيب 0000000000000000


د. حورية البدرى
24-09-2002, 04:23 PM
فيه شئ مكتوب
بيغيب ويدوب فى ضباب الروح
يظهر على خد الورد ندى 00
فيه شئ مابداش
وان طيف الحق ماجاش ؛ ح يضيع 00
بيمر خيال الحلم بعيد
وساعات بيزيد
وورود الجنّه تكون حواليه 00 حواديت 00
أشعار 00
ونهار متشوّق يجمعنا ، من باب التغيير الممكن
وأغانى تقول ، وتسمّعنا
وف لحظه تغيب ، ويضيع الصوت
والحلم يفوت
مكتوب ؛ الحلوه والملتوت
فوق صفحه بعيد بحروف من نور أو نار
مكتوب !


----------- د0 حورية البدرى
د. حورية البدرى
24-09-2002, 08:00 PM
وف آخر الليل ؛ محتمل
ينشق قلب المستحيل
ويبان شعاع من ضوء رقيق
يقدر يقوم اليوم عليه من نوم طويل
ويشق قلب الضلمه نور
يهدى النهار لقلوبنا ؛
تصحى م الكابوس 00
وف آخر الليل محتمل
جرحى اللى طوّل
يندمل
ويبان أمل 00


------- د0 حورية البدرى
ابن مصر
25-09-2002, 06:45 AM
جميل كلامك يا دكتورة
وانا دائما من المعجبين جدا
بكلامك دة --مهما حصل
الي الامام يا ست يا شاعرة!!
اخيك مهما حصل
ابن مصر -- عماد الدين:confused:
د. حورية البدرى
25-09-2002, 08:55 AM
الأخ الفاضل عماد الدين / ابن مصر

أشكرك لرأيك الأدبى
أما الكلمة " مهما حصل " 00 فأنا أيضا أحترمك " مهما حصل " 00 لان انت انسان محترم " مهما حصل " 00 لأن معدن الانسان لايتغير " مهما حصل " 00

نسأل الله العافية " مهما حصل " 000
والى لقاء أدبى جميل ومحترم بك دائما 0000

------ د0 حورية البدرى
ابن البلد
02-10-2002, 10:11 AM
معلش يا دكتورة ممكن شرح بسيط بس
لمعني

بيغيب ويدوب فى ضباب الروح
يظهر على خد الورد ندى 00
فيه شئ مابداش


يعني أيه في شيء مبداش
و أيه علاقته بالورد والندي
::confused: :confused: :confused: